【現場直播】365日浪漫進行曲: 第十二章 : 步步墮落‏

第十二章 : 步步墮落‏
 
 
彩葵竟然會出現在眼前，這是否夢境？為什麼？為什麼她會在這家不知名的小餐廳出現？

" Hi terry "

我仔細一看，發現一張好像曽經見過的面孔，原來是上次在葵青時遇見的james，那位揸飛機的副機師。

" Hi 。。咁橋，你地點解係依頭？"





" 哦，我本身住上環既。"

聽完james這句話後，我下意識地把視缐移到彩葵臉上，她卻避開與我眼神接觸，留下一句" Enjoy the lunch ” 就坐回自己的桌上。

” 佢地一定搞左野 ”

Nancy語出驚人，這句話差點讓我被pasta 骾死在中環?，連續咳嗽了好一會，喝下了兩杯水才能平Fuck下來。

" 你無野呀？"





" 無事，無事，唔該賣單 "

" 嗄？咁快，我都未食完。。"

Nancy 雖然口有怨言，不過還是和我一同離開了餐廳，直到步出大門前，我強忍著自己再往回看彩葵的衝動，只低著頭匆忙地踏到大街上。

" 你鐘意佢呀？"

" 痴缐！"





" 你睇你吓你！幾鬼激動！仲唔係有野！"

" 喂，大姐，我地今日係相睇！你知唔知咩叫相睇！"

" 我諗住識多個friend 咋喎！你係唔係諗多咗 "

我頓時又一次無言以答，雖然Nancy所講的也是我多次相睇的想法，但這樣赤裸裸地被她說出，感覺自己一瞬間輸了。

" 你。。。真係頂你個肺。。。激死我。。。"

" 咩喎！好肚餓呀！岩岩都未食完就叫人走！離曬譜！"

" 喂。。一開始係邊個坐係到玩飲管！邊個唔肯食野！邊個 "

" 哎哎哎哎！好嘈呀！男人老狗好似個女人咁煩！我唔理！我要食野！"

如果不是從小接受個香港的免費教育，身邊內還餘下一些道義廉恥，恐怕我真的要連打眼前這個極品十三巴掌。正當我處於十分惱怒之際，Nancy竟然主動地牽起我的手，又一次震驚了我的心，我就呆呆地好像一只寵物狗地跟隨著她的步伐。

" 喂！"

" 又咩呀 "

" 你做咩咁唔耐煩！" 

" Oh My God。。我錯我錯。。Nancy 妹妹，請問小人有咩可以為你效勞 ”

” 咁就差唔多！岩岩個個男仔叫咩名？我唔記咗 "

" 邊個？"

" 同你鐘意個女仔一齊個個男仔 "

" 頂你！我都話唔係囉！"

" Anyway，佢叫咩名？"

" James，揸飛機既，點呀？係唔係好想識佢！"

" 無喎！雖然係幾靚仔，不過一睇就知道係花花公子 "

" 點睇得出？"

" 女人第六感！"





這次相睇的對象Nancy，雖然性格比較胡閙，或者應該形容為直接，言語間會突然射出一把利刃，直插在你的心房中，讓人防不勝防，但本質上也是一名善良的人。至少在食雲吞麵的時候，她搶著要賣單。。

" 老地方，8：00 " 

我躭在熟悉的房間中，等待李倩的到來，看著四面牆壁上的巨大鏡子，每一次遇到徬徨之際，就不期然地回到這個燈光灰暗的地方，如果以心理學來形容，這?可能是一個給予安慰的空間，那就大錯特錯。我回到這裡只是為了透過四周的反射，去見證自己墮落的每一個動作，雙手抱撓著李倩纖瘦的腰部，她是上層，我是下層，欲望主導了身體，強行控制了彼此的意識，迫使兩人保持同一個節奏，我再一次看到，自己正走上不歸之路。

此刻，手機響起。