【現場直播】365日浪漫進行曲: 第二章 : 中日混血兒
第二章 中日混血兒
雖然這個故事貌似和我另一部武俠穿越故事一樣，但一樣無咩讀者，但自己都係忍唔住又想寫下去，沒有掌聲的努力，為已經睇左45隻字同第一章既你地寫落去。
-----------------------------------------------------------------------------------------------------------------------------------------------------
我現在正坐在北區醫院的急症室，剛才兩位醫護叔叔幫我打了個三角掛，其實我只係斷左隻尾指，但現在一身造型就好似斷左隻手臂。至於兇手就係坐了在我旁邊，一瞬間不知道用上何門何派的武功，扭斷了我尾指的女生。
" Sorry 呀，你係唔係好痛？"
"你自己睇下，你話痛定唔痛！”
我將" Z " 的手指舉向她的眼前，就算佢用對雙瞳剪水既眼睛望住我，飽滿潤澤既嘴唇向我道歉。可能正常男人都會即刻溢現憐憫之心，之後忍住痛，含著淚，笑住講：
" 唔緊要，你都唔想既，意外既事好難講。"
不過我今晚完全處於不正常狀態，連續兩個打擊令我只想立刻返自己的被窩中，但現在我卻坐在凍冷的急症室中，四周的幾排長椅上，還坐了幾名病人，其中一名好像是黑人，心想不會是依波拉吧。
等待治療的時間，她表現得十分內疚默默地坐在我旁邊，其間我一直閉上雙眼靜靜地休息。
" 其實你可以返屋企先。"
醫院的冰冷氣氛讓我冷靜了一些，覺得把失落和怒氣向她發洩也無所於事。
” 唔緊要啦，我等埋你。”
" 我叫胡偉傑，點稱呼你？"
"我叫西村彩葵。”
" 西村？咁似日本人。"
" 我父親係日本人，母親係香港人。"
Japanese ！！日本女優！！No！！中日混血兒！！我本來一顆冷靜的心又再次灼熱起來，相信任何一位讀者都與我一樣吧。
" Mix，唔怪得知啦。"
" 嗯？唔怪得知？"
當然係靚女啦！！不過我根據無數坊間傳聞，想引起女神的注意，要與眾不同，所以我決定繼續扮cool。
" 無，覺得你特別有禮貌者。"
之後我接下來幾分鐘，一直以我極其自信的45度角側面同佢對話，大約瞭解到以下訊息：
（1）父親和母親都在日本生活，父親係一名老師，母親係一名家庭主婦，廣東話從小由母親教導。
（2）有一名弟弟和一名妹妹
（3）全家居住在大板，大板人
（4）佢係一名日文老師，岩岩係早稻田大學畢業，想體驗下母親的家鄉，所以就獨自黎左香港生活，已經係香港大約4個月。
” 你打算幾時返日本？唔掛住屋企咩。"
” 之後每個星期都會返去，所以無咩問題。"
" 每星期？咁機票嘛好貴！"
" 我下個月開始係ANA做flight attendant，負責大板香港航線，所以唔洗自己出機票。"
當佢講完後，仲好頑皮咁伸出舌頭，我用盡全力先可以管理好自己的表情，由心而發的淫笑，中日混血加空姐，is it perfect ?!!! 正當我處於防線快要失手既邊緣，終於輪到我被安排治療。本來佢打算陪同我入內面見醫生，但被我一隻強而有力的手臂阻擋住，畢竟你永遠不知道醫生會問什麼奇怪的問題。
" 哇！"Z" 喎，點整親架？"
" 唔小心撞到者。"
戴著口罩的肥醫生，再問了一些基本訊息，之後又輸入到電腦中，有時拎起原子筆對住一份表格快速勾寫。
” 你伸過黎少少比我睇下隻尾指。”
我把左手的尾指伸向肥醫生，佢輕輕咁碰一碰，突然間，佢係我隻尾指上面用力一拉！我屁眼一緊，雙腿一縮，尾龍骨一直，嘴巴一開，雙眼一突，眼淚一流，鼻涕一出。
” 哇，你鼻涕顏色好黃，熱氣。”
" 醫生。。你。。”
” 係唔係好正？得架啦，一陣護士幫你包紮好就無問題，你可以出去啦。"
我腦袋中好似斷了某一條線路，仍然沒法自行思考下一步該如何反應，只跟隨醫生的指示，呆呆地站起轉身凖備離去，身後轉來醫生的聲音：
" Merry Christmas”
” Christmas 。。Christmas。。"
至於如何被包紮，過程中發生過什麼事，講了什麼話，就好似妓女遇上嫖客，過眼雲煙，什麼都記不住。不過印象中，好似聽到有人在討論
" 邊個去抹左佢，好黃！好核突呀！"
" 蘭姨！你過黎幫幫手！你對手套厚啲! "
當我開始回復意識的時刻，手上的尾指已經包紮好，女生遞了一包檸檬荼給我，我們兩個默默地坐在醫院外的椅子上，應該是在等的士。
" Oh MY God！香港有得睇！"
我跟隨著女生的視線，也翻看自己手上的檸檬茶包裝盒，看到是一部外國歌舞劇的宣傳印刷，The Phantom of the Opera，中文名字好像是歌聲魅影。
" 你鐘意睇歌舞劇？"
" 應該係我鐘意依個story ，無論小說同電影版都睇左好多次，你有無睇過？"
" 緊係有啦！咁出名！"
事實上我從來沒有看過，只是知道它是一部超有名氣的作品，就僅僅如此，不過本著輸人不輸陣的原則，當然必須假裝看過。
" 你睇過邊個版本？"
" 嗯。。好耐以前既事，唔記得loo。"
哎喲！不能再談這個話題下去，要不快要穿幫了，我應該找另一個話題講，但一時三刻又想不出什麼關於日本的事情，對於日本的一切，我接觸的盡是AV，怎麼辦！怎麼辦！要不就講講「爭鮮」既壽司有幾美味吧！
" 不如聽日一齊去睇？"
" 嗯？"
" 係呀，我聽日放假，你又鐘意個故事，我請你睇歌舞劇，當我補償番。。你隻尾指。。"
講實話，我內心有少少失望，為什麼不是肉償，不過都係一個好開始，為了給對方留下一個充滿男子漢既形象。
" 好呀，一齊睇，不過係我請你睇。"
" 咁好似唔係咁好。。"
我又再一次舉起我隻強而力既手臂，阻止彩葵講下去。
" 我出街從來唔洗女仔比錢！我認為依啲係男人既職責！"
頂你個肺！為什麼我可以這麼型！一般男子氣概由內心深處徐徐地升起。當然另程度上，我先前一直只與李倩見面，身為一個男人總不好讓女生付酒店費用，我現在後悔了。。
於是我與彩葵互相交換了whatsapp，正確黎講係電話號碼，之後我默默地目送載著彩葵既的士離去。
” 我都想返佢屋企。。"
當然只是癡人說夢話，回到家中的一件事就是上網訂歌劇票，幸好時間這麼接近，還有餘下的票能買。
”哇！咁叉貴既！”
全程兩個半小時的歌舞劇，最便宜的票都要差不多300元，而且總不能買最便宜的位置，於是我狠狠地選擇了2張495元的座位，之後我感覺到一陣抽痛從內心發出。。。
在入睡前，我不斷地對自己講，一場歌舞劇而已，不要有太多幻想，你配不上佢，不要癩蛤蟆想食天鵝肉，突然又想起李倩，心中變得十分難受，在眼淚進入夢中。
