《藝文青》Vol.16: 【五味人生】旮旯《氣溫急劇下降》

旮旯/《氣溫急劇下降》

呢排氣溫急降，真係好冷凍！凍到狗都縮埋！

星期日筆者一早起身落街食早餐準備去九展打仗，晨早流流喺乜乜活入面唔算多人，不過每枱都總有一兩人食嘢。

同我搭枱係一個好健談嘅婆婆，自我問佢個位仲有冇人開始，就一直聊我講嘢；當然，佢都可能係因為一個人好寂寞，難得有個人聽下佢講野又同佢講下野咁，當然倍感安慰啦。

佢既談話內容大約係咁：自己搭輕鐵嚟呢度，陣間去教會聽下道理，但係問到佢教會係咩宗教，佢就答我唔到啦。





或者有時佢哋返教會，都未係話信教，甚至聽唔明牧師講嘅道，但係教會就係一個有愛嘅地方，比起家人終日外出工作，得返四面牆冷冰冰嘅屋企，嗰度就會有更加多人主動關心佢哋，就算嚴寒底下，都似乎覺得溫暖呢。