有一日，我個妹比人捉左: 第四章

香港國際機場

轉眼間已經過了二十年。
機場再也不是在九龍裡，而是建在大嶼山裡。
當年離開香港時，總是在害怕著飛機會撞到附近的唐樓去。

然而我已經回到香港....
 
機場出境大堂
「總之就多謝你幫左我啦。」




 
「唔洗禁客氣啦，幫人係應該既！」
 
「哈哈，你既語氣好似正義警察一樣。」
 
「係咩？」
 
「係阿，不過依家都好少有依種警察存在啦，依家都係睇老細決定，唔理是非黑白。」
 
「唉，我地依行都越來越難搵食…」




 
「喔？話時話我都唔知你做邊行。」
 
「唔記得同你講，我係明果出版社既資深記者，張麗珍。」
張麗珍遞出手上的卡片給阿彥。
 
「主要負責雜志同報紙，所以好多時候都要同唔同既人打交道。」
 
「當中最難就係同政府摞料，往往少少事都唔係話記者襲警就係搞到記者受傷。」
 




「原來你公司既記者禁暴力嫁？襲警喎？」
 
「梗係無禁既事啦！佢地都係比人『老屈』，然後比人扣足你七十二小時，又話無事放你走。」
 
「唉，唔好淨係問我既野，禁你又做邊行？」
 
「保安。」
 
「保安？」
 
「係阿，我工作個區治安唔算太好，所以佢地請左我做保安。」
 
「好啦，係時候要講再見啦！」阿彥從輸送帶提起行李微笑地說。
 
「禁我走先啦，趕住返公司。」張麗珍苦笑著搖一搖頭，便推著行李招手離去。




 
「再見。」
 
「有緣再見！有料記住打比我報料阿！」張麗珍單手做著打電話的手勢。
 
有緣嗎…
這樣說令我覺得有可能會再見到她。
 
「哥！」此時，阿彥背後傳出熟悉鵝叫喚聲。
 
轉身一看，二十多年沒見的妹妹已長得婷婷玉立，而且還拖著一個帥哥的手走過來。
 
「阿妹，好耐無見啦！禁大個女啦！」阿彥高興地擁抱著妹妹良久後，才發覺自己忘記了帥哥的存在。
 
「呀，唔好意思，請問你係？」




 
「佢係我未來老公。」
 
「你好，我個名叫Matthew。」