《為何我坐巴士總是沒人坐我身旁》: 第十話

第九話

-------------------------------------------

阿峰的短訊，雖然我還是看得一知半解，但我相信只有找梁正，才能替阿惠和阿峰討回一個公道。

我向公司申請了一個月大假，梁正著我這頭六天好好休息，必須要每天到沙灘晒日光，以存純陽之氣。

果然，時間去得很快，一晒就晒了六天。





今天，是第七天。

梁正特地請假，今天他將會全程陪著我，與藍悅君作一個對沖。

時間，剛剛好踏入12:00。

我與梁正、剛仔三人駛著一部TOYOTA到歌連臣角，車子甫駛到山腳時，我已經感到一陣壓力，就像是……有很多對眼在看著我。

面對這種情況，我努力地壓制著自己的恐懼；反觀剛仔，這小子到底是怎樣當警察的？那牌照是買回來的嗎？由出發開始，他的虎軀就一直在震抖，比我還慌。拜託，你是警察好不好？





「碰—碰—」車頂好像被人在敲擊。

「剛仔，定d黎。冇事既。」梁正冷靜的說，剛仔卻反而抖得更厲害：「正叔…點解要拉埋我黎呀…我又唔識神怪野…」

正叔聽罷，停下車來說：「你果日比隻野掂過，已經留左d陰氣係度，如果今晚唔搞掂隻野，總有一日佢會返黎搵你。」

「咯—咯—咯—」車門被人用指甲刮著，生著令人心寒的聲音。

「咁我而家應該點做好呀…」剛仔話畢，正叔拿出一枝眼藥水般的東西：「依枝野係牛眼淚溝可樂，左右眼各滴一次啦，今晚你地一定會有用。」





「開陰陽眼？」我有點錯愕的說，剛仔則是用個很幽默的反應道：「點解要溝可樂呢…？」

「你理得我，叫你滴就滴啦。我地在明佢地在暗，如果睇佢地唔到，我地好易會比佢地搞都唔知。你地放心，中和左之後依樽野既效力剩係維持到六個鐘，即係岩岩日出果陣。唔好講咁多，快d滴！」梁正說罷抽了一根煙出來，深深的吸了一口，然後把煙霧吐出來。


我毫不猶豫就將眼藥水滴在雙眼，然後合起雙眼，任由眼藥水在雙眼「滋潤」。

「食枝煙先啦，阿京。」梁正又說，我把一枝MILD SEVEN放到口裡，正當我開眼想點火時，入目的情景叫我嚇得連煙到跌了下來。

我環視四方，車窗、車頭、車頂，全都被臉容扭曲、身穿白袍的女人在敲打、刮著，難怪梁正會停車。

「唔使驚，食埋枝煙先啦。我地而家踩左入藍悅君既地頭，依堆野只係熱身咋。」梁正語氣帶點興奮。

我抽著煙看著車外的鬼魂，突然覺得他們有點慘。





或許將來，阿峰和阿惠也會成為這些鬼魂的一份子？我不知道，但我有種感覺，今晚一定可以與阿惠和阿峰重遇。

「食完未？」梁正問道，我抽完後，將煙蒂在車內弄熄後說：「食完喇。」

「今晚或者會有人死，甚至我地個個都要死。你地真係唔驚？」梁正一再鼓勵，我和剛仔定神後說：「唔驚！」

「好，阿京，陣間你拎住依把武士刀，每人身上面帶住最少五樽童子尿，跟實我！由阿京帶路，去返你細個玩果個墳場度。剛仔企最後，睇住後面有冇野跟黎。」梁正將一把約四尺長的武士刀遞給我。

「好…」剛仔依然有點害怕，我拿著武士刀，看著武士刀上有著無數符包著刀鋒，我就知道這柄刀是如假包換的——真刀。

「陣間發生既事，自己執生喇。童子尿珍貴，唔好亂淝。驚D鬼既，就拎住我之前比你地D符掉過去。」梁正說完這一句後，我知道下一刻，將會是要下車的時候。

「我數三聲，三聲後一齊衝落去，唔好回頭。跟實阿京。」梁正說著，將一根煙放到口中，點著了。

「三…」剛仔依然在震抖。





「二…」梁正的表情認真起來。

「一…」我緊握武士刀，今晚我就要和藍悅君來個了斷。

「落車！」梁正吼道，我、梁正、剛仔一同下車，朝著恐懼的道路，開始亡命奔跑。

(待續)