[香港革命] 混沌時代，人民英雄- 十二獸: 序章

序幕

革命的背後，故事的開始。

2008年，中國汶川大地震。一所小學倒塌，數百名師生剩下一百多人，中一學生只剩下二十人。

姚天是其中一個中一生還者。可是在地震的一刻，他的家就成為了廢墟。他失去了父母，他失去了兄長，他失去家。沒有任何親屬，沒有任何相熟的家庭。偷竊搶劫，行乞裝病，姚天就只有過著如同過街老鼠的生活。

姚天的童年就是大地震及痛苦的生活，使他從少就看透人心，知曉社會，使他總是比同齡的成熟。





姚天一年又一年的成長，慢慢的令他想了解清楚他那悲痛的童年的由來。他暗中開始調查那一次地震的可疑文獻。慢慢的，一項又一項的工程被發現是豆腐渣工程；一件又一件的貪污文獻被揭露。慢慢的，姚天心中起了憎恨心，他恨透了中央，他恨透了地方政府。

姚天開始成為一名無名殺手，白天進行調查，晚上進行私刑。每一個月，都有一名官員死亡。每一個月，姚天都會留下“受害人” 三個字。

中央著手調查這個連續殺人犯。中央得知是姚天，亦清楚知道他的背景。為了拿下姚天，中央政府在姚天的下一個目標設下陷阱。

_______________________________

長洲東堤，一所地下大型建築物的議事廳。





“ 我地一定要救呢個細路，佢好可能就係古籍入面提及百年一代既變革者 ” 坐在第二個座位的大漢說。

“ 點解你咁講？” 坐在第五個座位的男子問。

大漢回應，指著眼前的投射影像說

“ 你地睇吓，一個平平無奇既15歲細路，有一個咁強烈咁正義既報復心，加上佢無受過任何訓練就已經可以功成身退咁殺人，同古籍講既變革者好似 ”

“ 無錯係，但係古籍存在左成幾千年，近世紀既所謂變革者仲要係少之有少，已經唔可以再信曬古籍講既所有野 ” 一位坐在第三個座位的冷酷女子說。





“  你講得無錯，古籍既傳說都已經唔可以盡信。但係，呢個細路真係可能會成為之後幾年歷史既關鍵，甚至係改變香港既英雄呀 ” 大漢堅持地說。

大漢說了這一句，馬上的引起了其餘九位男女加入討論，加入爭議。突然間，一股略顯沙啞卻雄厚穩重的聲音傳入議事廳。

“ 各位安靜。我想聽吓阿牛佢既原因。” 一位老人從樓梯走出來，邊走邊說。走到大圓桌旁的一張大石椅就坐。

“ 大長老 ” 那個叫阿牛的大漢向老人點頭行禮，然後解釋原因 “ 個細路正義既報復心，同埋佢既直覺都同變革者既特徵相似。”

那個坐在第五個座位的男子馬上反駁 “ 大長老！但是古… ” 大長老舉起左手，示意男子不要再說了。

“ 你地全部人之所以坐嚮呢一度，係因為我以及你地既師父師母，根據古籍既指示而發掘出黎。” 大長老雙眼看著阿牛，接著又說 “ 阿牛，作為大長老既我，睇唔透呢個小朋友，我感覺到佢憎恨既心好強，好黑暗。所以我唔可以比你十一位兄弟姊妹同你一齊執行呢個任務。你明唔明白？ ”

阿牛點頭示意明白。大長老隨即問他 “ 你無論如何，都想救出呢個小朋友，係咪？係就得喇，記住成在你手，敗也在你手，佢係唔係變革者，就在於你。”

“ 係！” 阿牛中氣十足的應了一聲。





營救行動，開始！