[原創,感人,科幻,小甜]<<蒲公英的約定>>: 第一章 第三節：淚水》

「拿，你兩個唔好再嘈。早會完左我會再搵你地傾，你地係到企住先！」老師講完黎慢步走回禮堂，只剩我和美淇站在走廊的205號室外。

順帶一提，205是教師室，由於205內坐得最多的是訓導老師，所以通常犯錯黎都會被老師叫去205。

「乞人憎到死。做過唔認個人又麻煩，我咁大個女都未試過罰企...」美淇細細聲地講到

「喂，咩乞人憎呀？你唔搞我我會搞你，係你..你無啦啦篤我背脊先啵，搞事~」我反駁到。

誰不個美淇反應更大「喂王同學！係你，係你撞到我先架！你..你真係唔講道理！」





「喂喂喂王同學，唔講今次啦。咁你之前做咩只係釘對我先？！講番食煙單野，我同呀張呀馬食，點解你只係篤我先？」想起上次忽然俾學校記過，我都開始憤怒了。

「你！你！你！垃圾！」

「拿！無言已對呢！總話唔係針對我？話我垃圾？！你無老豆老母教呀你，多管閒事！」我順勢而上說

當我在等待她的還擊時，點知一分鐘，兩分鐘，三分鐘過去都仲係聽唔到佢還擊，於是我偷偷望過去。

『嘩！小你！咁都喊』我心想到





原來美淇唔還口係因為正在流眼淚，
望住佢鼻頭紅紅，眼淚不停地流出眼眶，用牙齒咬著嘴脣既樣，雖然對佢忽如奇來既反應我只有嚇呆的份，但更令我驚訝既係。。。。

『好..好靚』我心想到

唔係唔係！呢個時候我更應該哄番佢，費是一陣老師過來又以為我做過什麼。

「喂呀，你唔好喊先啦，我係咪講錯咩野？對唔住囉～」

「.......」





「喂你應下我啦，一係我表演樣野你睇，如果係收貨呢，就唔好喊啦！」我提議到

美淇微微地點下頭

我繼續講到「我扮聲好勁架，無論動物定人定咩聲，我都扮得好似架，你想唔想睇？一係你講咩我扮咩啦，好無？」

「.......」

「算算算，我自動波！
大笨象，er~~~
雞，哥哥
動物唔啱？咁呀，
車，狠，狠
唔鐘意普通車？




跑車？狠狠狠，狠狠狠」

我就咁樣不停扮，美淇都開始沒有喊落去，只係呆呆地望住我。雖然我知我一D都唔搞笑，但起碼叫吸引到佢注意力嘛。

忽然！
「潘...潘..」美淇細聲地講
「咩話？」我問到

「潘..潘..潘sir」
「哦，扮潘sir呀，ok!我最拿手啦」我自信地講到
「唔係呀...」美淇正準備叫停我，但我已經開始左扮訓導主任潘sir


「今年我地學校既宗旨依舊係要跟從校訓，正所謂，明智顯悲，我就真係悲啦，四十歲人已經地中海，仲要有口臭呢！」





「邊個口臭呀？！」潘sir既聲音忽然係我後腦傳來，嘩，原來係潘sir！「我話我！我話我臭！」我連番補充到！

「哈哈哈哈～」美淇終於忍唔住笑左出黎
我只有無奈地望一望美淇，攤一攤雙手作無奈狀。


係呢個時候，數顆蒲公英種子緩緩地飄過.....