迷戀(18+): 第二十九章：股票

下晝都幾無聊，確認左Dada明天可以返工，我答應朝早車佢返工，之後無所事事。幾日無搵我既Candy line我。
Candy：我哋黎緊星期三晚會搞個入伙party誠邀你黎參加。
我：咁快搬好野搞掂晒？
Candy：其實咩都未搬。明天會有床，雪櫃，梳化同餐枱椅送黎。你明天有時間可唔可以陪我等。
我：我下午睇吓安唔安排到時間。
Candy：仲有星期三下午陪我返古洞搬啲嘢先。晚上開party。.
我：好啦，星期三晚我可以黎。其他時間就一就。
Candy：咁而家有冇時間出黎陪我買床上用品？
我：ok，我有兩個鐘得閒。



床單被褥。一日有八個鐘係上面。緊係買好啲啦。Candy同我買我用開牌子既床上用品，話驚我瞓唔慣，雖然我無話會係佢度過夜，但咁貼心既女仔，為我做咁多嘢，點都會有窩心既感覺既 。同佢行左一陣街，就到收工時間。

收工時間又係先接Annie，再接Dada，今晚佢都一齊食飯。最後接Coco收工，之後一齊食飯。
Dada話想搬去我度住幾日。可以方便我車佢返工。唔駛我咁早起又要過海車佢。不過算啦。
我有間客房可以比佢瞓住先。同埋有佢家姐有個照應都好既。所以當晚就車返去樂富收拾行李，去左我到暫住。


第二朝，一早就車Dada返公司，先同佢去8樓報到，佢係8樓做文員。呢個部門喺我公司唔多起眼，係做貸款既一個小部門，唔過五十人。不過內部既男仔多過 女仔好多。而且男毒女豬。都幾奇怪，我去到見到接待處既吳小姐係度已經係最似人樣嗰個，入面真係一件豬過一件。唔怪得呢度個個都死老豆既樣。 但當佢哋見到Dada好似真係仙女下凡一樣，即刻全部醒神晒。

佢哋既經理一見我黎。連早餐都唔敢食，衝咗出黎


經理：鍾生早晨，要麻煩要你帶人過黎真係唔好意思。
我：順路姐，嗱，你睇住佢啦。
經理：一定一定。
我對Dada講：咁你比心機做啦。
Dada：知道。
我：byebye
經理：鍾生慢行。


上返去準備開市，今日我一反常態咁認真做嘢，其他人都唔敢入黎打搞我。競價時段，王總隻股票#4321就比人質低左8%，由$6.2跌到$5.7，競價U 左$5.7。之前溝通好，質到5蚊邊會開始扲住慢慢收貨，現價唔會有乜行動。一份行家報告調低評級，建議沽售，相信今日開市後會跌10%左右，$5.7去 到$5邊的確仲有12%仲未去到同王總傾好嘅價錢，不過其實我已經賺緊錢，只係無用公司名義去做，上星期已經沽緊呢隻既期權，因為唔可以太大手做，以免比 人發覺，而家呢個價已經賺左三百幾%，去到$5.1就會賣返出去，到時可以賺返四千萬左右。



開市五分鐘已經跌到$5.55，跌$0.65, 十大跌幅排第三。
網上討論區開始有人發帖討論，又喺做勢搵食嗰班友，中間夾雜好多哭股喪既網友，真係難分真假，$5.45個價開始定返啲，跌12%，開始有大戶收 集。所謂既大戶收集唔係排係度比你睇到既大行牌，嗰啲係用呢呃傻仔，呃啲銀行炒股既師奶同阿伯，嗰班咁既股神日日係銀行上身，睇住啲股升2%就係度嘩嘩 聲，屌你睇下升得幾靚。比著我對住呢班股神真係命都短幾年。

真正大戶出手係無得睇既，不過我部機有得睇。唔係睇表面，仲有好多分析同經驗。睇黎有另一班人想搶貨，王總既貨而家出手早左啲，唔駛心急。
10點個價上返$5.8。討論區開始有人恥笑走左貨既人，有人認屎認屁$5.5入左貨，個價升返快過坐火箭。一大班人係咁引述其他報紙報告，又一大班股神出黎巧叻叻，場面熱鬧。



炒股又唔係認叻，埋數先至見真章，我又再自己沽多轉期權，用埋王總比既三千萬。同類型公司都沽小小，個重心都係目標集團，成個板塊一齊沽，力量又大好多。個市都無乜力，11點大市都掉頭回跌，目標集團個位再返去$5.6橫行，跌9%

12點中午收市，個價係5.61,5.62。食飯。
午飯無出去食，今日玩自閉，想叫外賣上黎，Dada打比我。
Dada：文哥你幾點食lunch呀？
我：而家囉。


Dada：吓，乜咁早架？
我：係呀而家收市呀嘛。
Dada：我食一點呀，仲諗住同你食。
我：你同啲同事食啦。


Dada：呢度啲人好古怪架，啲女仔又唔出聲，見到我就自動彈開。啲男仔就成日過黎問我要乜，問我有乜唔明，我成朝都無做過野。點知有咩唔明姐。
中午又一大班話同我一齊食飯，仲要全男班，啲女仔全部唔黎，我諗住叫埋你一齊食，有個熟人好啲。
我：哦，唔好啦，佢哋唔會想同我食飯既，你同佢哋食啦。人事既野好快會習慣架啦。你新黎，啲女仔實怕左你，啲男既實癡住你既，好正常姐。
Dada：吓？咁既咩。咁好啦，你自己食飯啦，拜拜。
我：拜拜。

下晝本來想抽啲時間倍Candy等傢俬送貨，不過睇黎今日都係忙。

1點開市，目標集團大幅插水。5.6….5.55…..5.5……5.3……5.2……5.15。


下午插得幾急，成交量又大左，大市跌緊264點，期指再低水43點。
睇黎$5心理關口今日會穿。
今朝掃貨既大戶都沽埋一份。睇黎差唔多做野。
期權先走咗上星期沽嗰轉。入貨價平均$0.4 賣出價$2.23 二千萬股。
賺三千六百萬。


目標個價啱啱跌穿$5，大量程式沽盤出現，不停向下推，4.98…4.96…4.94….4.90…
4.84…..4.72…. 跌24%
好似完全冇晒支持位，一路急跌。

馬田拷門入黎。
馬田：大佬，王總嗰邊志恆打黎，話個價跌得好急，問我哋咩事。
我：你復佢$4. 5開始幫佢收，而家人踩人咁，好難轉身，今日收市會頂返$5樓上。
馬田：收到晒。


我：玩小小啦。
馬田：多謝。
個價去到4.68… 4.66 ...4.65
快啲沽埋今日轉期權先，入貨價平均$0.96 賣出價$4.31二千七百萬股。
賺9千萬，沽埋其他同行業既期權，又收多八百萬，今日自己袋億三。


小股民屍橫遍野，網上齊齊號召去IFC排隊，一陣又話IFC已滿，要去ICC排。
人踩人式走貨，今日王總冇左四份一身家，不過係暫時性，我點會睇住佢死呢。
講就好似好耐，其實午市開左半個鐘都無。

個價去到$4.5 跌27.5%
開始用公司錢買入，$4.5先入1球，試試水，ok，止跌。
無乜力再插，屙到腳軟啦。
$4.5又再入1球。


慢慢收貨，唔好打草驚蛇。

兩次一百萬掃入其實好揚，所以之後40萬，20萬，70萬咁入，程式盤入無咁覺眼。$4.51… 4.52… 4.51… 4.50… 4.51其後3分鐘都係咁增持，暫時只係入左3千萬股。順便做期權好倉，呢個位既期權金只係$0.02買一個月升到$7，呢個位入左五千萬股，真係抵到 爛。想搵錢應該要入多啲既。不過我主要目的係要推高個股價，而且用左公司戶口入貨，就唔會再用自己私人戶口參與，今日都賺左好多，夠用好長時間。

本身我管一千萬美金既權限，係上星期老闆出埠去開會既時機已經加到10億美金。當然呢件事只有幾個人知，仲要個個都扮唔知。
之前傾好個價會一個月升到上到$8左右，咁王總就可以成功買到個礦。佢都搵多幾十億。

兩點鐘，$4.55收貨人開始多，好多散戶低吸，溝貨或者博反彈，個價已經向上追，人一多，我個入貨價就越黎越貴，不過無所謂，照追價，30萬，30萬，40萬，40萬，50萬，一見盤就掃，個價好快掃返上去，4.63… 4.65… 4.68…。
我都由佢上，有時啲貨比人搶左搞到要排，但轉眼就成左，成交量好大，我密密入，密密入，去到收市時間，收市價$5.12，今日用咗四億，掃左八千幾萬股。平均價$4.72。今日目標達到，明天等收錢。


走出房間，笑得最開心係馬田。
馬田：大佬辛苦晒，happy hour請你飲杯野呀。
我：而家出一出去先，你行先啦，我轉頭再復你。
馬田：ok，
馬田：妮妮，小柔，有冇興趣去飲杯野呀？我請。
小柔：咁好死，今日搵左好多呀？
馬田：小小啦。
陳姑娘：有料都唔單聲，咁唔止飲杯野啦，一個星期午餐啦。
馬田：你點話點好。

我line Candy：送晒貨未？仲駛唔駛我過黎？
Candy：仲爭雪櫃，其他黎左，你過來啦。
我：我過黎一陣，今晚約咗人食飯。
Candy：好，一陣都好。

去到銅鑼灣，上到去，咁啱一個送貨佬剛走。Candy著住白色吊帶背心，入面既紅色Bra透左出黎，超短熱褲，褲袋突出嗰種。
我：嘩，你著到咁唔凍咩？
Candy：搬野個身就熱架啦。
我：咪引死啲搬運工人啦。
Candy：唔怕喎，有你呀嘛。
我：啲野都送晒黎，咁我走啦。
Candy：唔好咁快走啦，一場上都黎，試下張新床先啦。