迷戀(18+): 第十三章：大喬之淚
大喬聽到我要小喬，嚇到雙膝發軟，跪係我面前，眼淚流左出黎。
大喬：阿文，我求下你，成件事唔關小喬事，佢咩都唔知，咩都無做過，佢係細路女，咩都唔識，你可唔可以放過佢。
我：佢今日係度出現，我就當佢有份。
大喬：唔係，唔係，佢今日放假先係到，佢連我老闆都未見過，成件事真係唔關佢事。
我：但係我對佢好有興趣喎。(極衰既咀臉)
大喬：我比老闆包養，有部份都係為左供個妹讀書。我唔想佢好似我咁，阿文我求下你。你放過我阿妹，你要我點做都得，我只求你放過我阿妹。
我：要我放過你阿妹？你有咩籌碼同我傾。你已經係我要既人，我要你點做就點做。呢單野我唔幫你老闆既話。佢袋少十幾億，莫講話我要一個小喬，我要一百個佢都會比我呀，呢一點你應該好清楚。
大喬：我求下你，我會全心全事咁服侍你，只求你放過我妹。
跟住就攬住我雙腳，塊面枕住我大脾，喊起上黎。
而家又係天使與魔鬼既時間。
魔鬼：大喬點講都無用啦，佢係一個戰利品，憑咩替另一個戰利品求情呀？
天使：要小喬其實都係用黎嚇大喬，等佢唔好玩野姐，佢咁慘，賣身養妹，不如唔好咁過份啦。
魔鬼：話知佢啦，而家個主導權係我度，嘩。大橋未久x波多野結衣喎。諗起都扯旗啦。
天使：你咪成日用下體諗野啦。你頭先同小喬傾計都覺得佢可鄰架，你咪當放佢一馬囉。
魔鬼：佢頭先都叫你包養佢呀，又話對你有好感，擺明想揾你做佢老細啦，人哋都出到聲，你唔包咪對唔住佢，對自己唔住？
天使：你有兩個女友架啦，仲要人地三個人咁多做咩姐？你點對得住女友呀？
魔鬼：佢姐姐又話佢細路女，又咁保護佢，話唔定仲係處呢，處喎！
天使：佢兩姐妹夾埋一齊咪仲危險。唔係喎，咪住先，會唔會係計中計呀，一計未止一計又生既連環計。自從上深圳之後，一直都比人計算。
馬田上陌陌食女，點解轉頭有人查房。一定有人跟蹤佢啦。呢個係計謀既開始，再搵我上黎救馬田等我欠佢人情，又派條女影低我地扑野片黎要脅我哋。馬田話過菲菲係人哋介紹，即係菲菲都可能係人哋插係馬田身邊既針啦。介紹既人都有關係。越諗越復雜。真係一計接一計。
魔鬼：屌，咁講法小喬可能就係下一計，大喬以退為進，唔想小喬比我搞又點會比我見到？好明顯小喬就係引我落搭既下一步棋。大喬越保護就越令我想得到小喬，果然係一個大局。
天使：即係小喬係毒蘋果，咬一啖都死。
魔鬼：咁多層既計謀要我幫手賺十幾億。好似好合理。但點樣先破到呢個局呢。冇理由比人當馬騮咁舞。
大喬跪倒地上，淚眼通紅，哀求既眼神。係做戲以退為進，定真係一心保護妹妹。真係難分真與假。
哎呀，頭先諗得太興奮，大喬塊面又咁貼小文，會唔會比佢知道我扯旗呢？定係比佢枕到我扯旗呢？
大喬好似立定決心：我希望你可以回心轉意。
我：咁我就睇下你有幾大決心，可以令我回心轉意。
大喬即刻除左佢件湖水藍T恤，露出佢白滑的嬌軀。34D 的豐乳係半個cup既粉藍色胸圍內晃出。
跟住大喬雙手伸去後面要解開bra扣。
電光火石之間，我一手搭住佢肩膀上：咪住，你做咩？
大喬：我用我既身體交換我妹妹。你可以點對我都得，只求你放過小喬。
我：好，你姐妹情深。我比你最後一個機會，你要一五一十將成件事交待清楚。
大喬：好，希望你守諾言。
我拖住大喬既手，同佢一齊坐係梳化度，望實佢雙乳，呀唔係，係望實佢雙眼，雙眼係靈魂之窗，有冇講大話一眼睇得出，準過測謊機。
呢個時候，望住大喬一雙大眼，眼波流轉，啡色既眼珠就似有千言萬語要同我傾訴，好似21年威士忌既顏色一樣咁醇，未飲都先醉。
我：馬田比公安捉，係咪你哋安排？
大喬：我唔知道，雖然我係老闆既秘書，但只負責目標集團既公事，其他方面佢有其他秘書幫佢處理。但的確係老闆打去公安局要佢放人，仲派人去接佢。
我：你老闆佢好多秘書？
大喬：好多。唔同事唔同公司都有唔同人去做。
我：全部秘書都比佢包？
大喬：係咪全部就唔清楚。不過佢包好多女人，咩人都有，總之老闆睇得上眼都有可能。具體有幾多人唔知，佢一個月最多只係會上黎一兩次，呢度係佢比我住既，上一次佢係度過夜已經係個幾月前。
我：個個睇啱都包咪好唔得閒？
大喬：佢係好唔得閒，不過唔係個個有屋住，有啲玩完一次就算，不過係公司做野既人會好啲，工作上我都幫到手，所以佢對我都比較好。
我：咁婷婷呢？
大喬：婷婷做開show girl，有次老闆係個展覽睇中佢，嗰晚陪過夜，不過老闆無長包佢。今次老闆知道馬田會影裸模，就搵佢比你哋影，再拍低你地既嘢。
我：所以今日有晒片就黎要脅我幫手？
大喬：對唔住，我係跟指示做，老闆話咁樣只係買個保險。
我：佢買錯保險，對馬田或者有用，對我黎講得啖笑。
大喬：對唔住。
我：呢六個女仔入面，除在婷婷之外，仲有邊個係你老闆既女人？
大喬：我只係認得婷婷，未見過其餘既人。
我：菲菲呢？
大喬：唔識。
我：好，我最後問多一次。你阿妹小喬真係唔識你老闆？同呢件事完全無關？
大喬：係，完全無關，佢亦唔識我老闆。如果比我老闆見到我個妹，佢一定會要埋我個妹，所以我唔可以比佢見到。
我：好。我就改一改條件。我要婷婷，仲有你，同埋三千萬。
大喬破涕為笑：我會同老闆講。多謝你。
我：明日幾點見王總？
大喬：十點鐘，我九點半去接你。
我：好啦，我走先，你著返件衫啦，唔好冷親。
大喬：阿文，多謝你。
返到酒店房。馬田孤零零咁一個人坐係房度，又無開燈，個頭又亂，個樣超殘。
我行埋去：唔好死老豆咁既樣啦。
馬田真係喊左出黎：大佬，我對你唔住呀。
我：今次我哋比人設局，無辦法唔就範，下次小心就得。
馬田：大佬我拖累咗你，對唔住呀，今次點算？
我：定啲黎，萬大事有我。呢個時候唔可以示弱，佢見你越怕佢，佢就越得戚。
明天見面講數。由我黎傾，你照原來安排，星期二正式上去佢公司做報告。
馬田：大佬你一個人去？
我：定啦，我有晒全盤計劃，你要做到當咩事都無發生過，好似平時咁，個報告應該點做就點做，要見得人。
去洗個面我哋落去食啲野。
落到酒店樓下，係門口已有經見到大軍。今次我同馬田對佢都無晒笑容。不過佢都無惡言相向：兩位係咪去食晚飯。
我：係，想同我地一齊食？
大軍尷尬笑笑：本來都想，不過我估兩位都唔多歡迎我。但一陣我都會係兩位附近，希望你哋唔好介意。
我：介意你都跟架啦。
大軍：唔好意思，不過老闆吩咐我就近保護兩位，希望我唔會太影響兩位既心情。
我：你自便啦。
大軍：係。
我同馬田去咗間日式燒肉店，
門口帶位阿姐：先生有冇訂位？
我：冇訂枱，兩位。
阿姐：入面請進。
阿姐大叫：二奶沙媽些。
入面既店又一齊叫：吔些。
係度食飯因為唔怕比人偷聽，酒店房己經唔安全，唔知仲有冇古惑，我有睇竊聽風雲，知道手機如果比人hack左會聽到我哋對話內容，不過我部電話無得拆電，所以無帶係身，馬田熄機拆電。
周圍好嘈，我地細細聲傾對策，唔怕比人聽到。
大軍同佢幾個手下一齊，坐係比較遠既枱。美其名係保護，實際係睇住我哋唔好比我哋走佬。比人監視搞到心情麻麻地，食完之後我忽發奇想，同馬田講：不如落disco玩。
馬田：大佬，我真係服左你，咁既情形都仲有心情玩。
我：怕咩喎，有免費保鏢，又有人埋單，我未落過呢度既夜場，你帶我見識下啦。
馬田：而家九點幾，無乜人去架，十二點之後先多人。
我：咁返酒店冲個涼先啦，而家成身油煙味，到時d囡囡以為我做廚房。
馬田：都好，今朝有酒今朝醉。
埋單？果然張單已經比人埋左。
返到酒店大堂。大軍同佢既人就係大堂等。
我同馬田本來想直接上房，不過就比兩個女仔截住。