迷戀(18+): 第七章：美女大陸之行1
嘩... ...
陳姑娘：你做咩係度發呆,又諗緊衰野呀？
我：無呀,諗緊星期六有咩做姐。
其實我仲回憶緊昨晚既情形,雖然我見多識廣。但咁既派對真係無乜機會見到。昨晚我同Annie走去搭電梯,仲有兩個華航空姐上黎。佢哋出黎時嗰種含羞而又渴望既眼神，真係搞到我頂唔住爭啲係Annie面前做出禽獸既行為。
小柔：喂喂,有冇人呀,仲係未收返個魂魄呀？
我：返左返左。
小柔：乜你咁架，馬田返左大陸你就無心機同我哋食飯。
我：唔係,點會呀，有兩美相伴，我飯都食多兩碗啦。
其實兩個女仔都係靚女。小柔係大陸優才生，但衣著同打扮都好潮，個人本身生得唔高，五呎二左右，眼大大，面有小小包包哋，喺baby fat，個人唔肥的，對波又唔瘦，唔使渣過先知既，有眼睇架嘛。
去左美國讀完碩士再黎香港工作，基本上佢話唔再返大陸了，佢喜歡自由的空氣。佢父親好猛料，聽聞係軍官黎，好似好有勢力的，不過小柔好少提佢大陸既背景。
陳姑娘叫妮妮，個樣有啲似楊采妮，不過無咁長頭髮。以前做護士既，但我一諗起佢以前既職業，不其然令我諗起某啲AV情節，所以都唔敢諗太多。
午飯就咁過左,星期五既下午無人有心機做野，尤其我呢啲懶人，索性唔做野等收工。
Candy又line我
Candy：明天出街好嗎？陪我行一陣。
(星期六自己一條友了)
我：行一陣，去邊？
Candy：行下山呀？
我：行山？估唔到你咁健康喎。
Candy：係呀，我都鍾意户外活動架，搵日出海玩呀，最多我帶幾個索女一齊出黎玩。
我：船p正喎，不過而家已經涼涼地啦喎。著比堅尼都怕你凍啦。
Candy：都係既，所以秋高氣爽最好行山。
我：咁有幾多人一齊行？
Candy：未約人呀，我約多兩個女仔夠唔夠？
我：行咩地方？我呢排好少做運動，唔好咁高難度。
Candy：約左人先決定，再聯絡。
我：ok
明天Annie就飛巴黎，我又好掛住Coco，所以今晚同佢兩個食飯，正當要打電話訂位既時候。
電話響起，係無來電顯示既電話。
通常呢啲電話都唔接，不過響左一陣，仲繼續響。
所以收鳩佢線。點知收線之轉頭又再打黎，咩料呀，又sell野？
我：喂。
電話另一頭沒有講野,但傳黎粗重既呼吸聲。(咦…)
我：喂。喂喂
依然都係呼吸聲。似係玩電話。
正想收線,佢又有聲了。喂？
我：喂，搵邊個？
對方係一把男聲：喂？
我：喂完未呀，搵邊個呀你？
對方：你色唔色一過趙馬田既人呀？
(我懷疑對方係大陸騙子)
我：唔識喎。
對方：姓馬，單字一個田，耕田個田。
我心諗又話趙馬田，原來叫馬田...馬田？唔通馬田有事？
我：咩事？
對方：我呢度係福田派出所打黎既。
我：福田？派出所？
對方：係，你朋友係度犯事，會被刑事拘留，你準備定錢保釋佢啦。
我：你當我傻架，我有睇警訊架。
即刻收佢線，大陸既騙子真係猖狂。
打返比馬田，響左好耐都無人聽。
再打。有人聽啦。但接電話既唔係馬田，而係頭先既男人，我認得佢把死人煙產喉沙聲。
男人：點呀？我無呃你啦，你朋友比公安扣留，佢叫我幫佢打比你求救。
我：我同你三唔識七，叫我點信你呀，你叫佢聽。
男人：佢被人帶去辧些手續，聽唔到你電話。
我：咁好簡單，佢辦好手續叫佢打比我。
男人：佢係犯事被拘留呀，你估想打比邊過就打呀。我見佢成個人荒失失咁，好心先幫佢咋。
我：你係咩人？佢犯咩事?
男人：我叫小趙。我係公安局入面辦事既，你朋友托我打比你。叫你救佢，佢犯既事其實都唔係咩重大事件，好容易搞掂。無事可以返香港。但如果唔係，行政拘留15日，再搞上法院。到時無灣轉，事情都唔好辦啦，你自己諗啦。
我：小趙，唔好意思，一日未聽到佢把聲，我都唔可以做咩。麻煩你睇住佢先，你喺公安入面既人，大家好商量。比個電話佢同我講，等我確認下。你幫過我地，我哋會記得你。
小趙：好，我盡量。我都吩咐左佢地唔好打佢住。不過入到監倉入面，比啲犯人打既話我哋就阻止唔到啦，佢搞完手續就要關入去架啦。
我盡量睇住啦。
我：好。佢呢單野要點先可以擺平。
小趙：打通關係唔少得啦，上下疏通一下，我估二十萬差唔多。
我：我等你電話，你電話號碼比埋我。
我：記住盡快比佢同我講，我要確認一下先。
小趙：好啦，你準備定錢啦。
收綫後，我大為緊張，馬田既事我唔可以太張揚。大陸仔貪錢，使錢都無所謂，最怕白駛，最後又幫唔到。
如果確認佢真係出事,佢一定係搵我幫手。我亦都一定盡力幫佢。
我要冷靜啲諗清楚，… …有計！
今次馬田上去係做野，嗰間公司話唔定幫到手。
我要搵出老闆叫馬田去做報告既公司係邊間。點搵？……搵Maggie姐問下
我行去Maggie姐個坐位：Maggie,今日著得好靚喎，收工去飲呀？
Maggie：唔係呀，平時都係咁上下架啦。
我：係咩？但係你著呢條藍色連身裙真係著得好好睇喎。
Maggie：真係架？呢條新裙我好鍾意架，真係好睇？
我：梗係好睇啦，靚到絶呀，幾時得閒同我食餐飯先。
Maggie：咁好口，你係咪要見老細呀，我幫你通傳啦。
我：唔係，我特登過黎睇靚女架，順便有d公事想麻煩妳。
Maggie：口甜舌滑，有咩公事要我幫手呀？
我：其實無咩既，馬田咪返上深圳做公司報告既。點知佢竟然成份文件留左係屋企。咁佢到左大陸又無理由走返屋企架嘛，咁我想幫佢查返d資料。佢又怕麻煩到Maggie妳，所以我咪幫佢問囉。
Maggie：份野唔比得第二個睇架，唉，見係你咋，無下次架啦，你兩個自己搞掂佢呀。
我：無問題，放心無人會知。下次叫佢請你去四季食自助餐。
Maggie：好啦，你搞掂就得啦。
取得資料之後就打電話比兩個女友,通知有急事，通知佢地今晚可能不可以一齊食飯。又隔一陣，電話響起。
我：喂。
馬田：阿文，救我呀，阿文。
(肯定係馬田把聲)
我：冷靜d先，我一定會救你，你而家點，有冇受傷？
馬田：我而家係公安局定派出所，係福田呀，我好驚好亂呀，我呢次大獲啦。阿文你快啲救我出去，我唔想留係度。
我：我會盡快救你走。頭先有個叫小趙既打比我，佢信唔信得過?
馬田：我都唔肯定。佢話有方法幫我，佢好似識得呢度既人。但我唔清楚。
我：咁樣佢未必有好大作用，不過都用佢做後備方案。
我有另外方法，你今日有冇聯絡過目標集團？
馬田：有，有呀，搵到佢地老闆馬總既秘書，叫王秘書。
我同佢講星期二會到佢地公司。
我：咁就得啦，我叫佢地幫手。
馬田：係喎，佢地應該幫到手。
我：我會聯絡李總，叫佢出手放你出黎先。我而家上深圳接你。
仲有，你到底衰咩比人捉到？
馬田：我今日上到深圳，諗住明日先影相，無聊起上黎咪用陌陌查下附近有冇女，諗住約出黎玩下，係酒店短聚。成功約到個女仔，咪出黎見面，食飯，跟住上房休息下，點知同個女仔上黎無幾耐，跟住有公安查房，仲要條女原來未成年。
咁就比人捉左。但係我真係唔知佢未成年架，而且上左房一陣，咩都未開始，咩都無做過架。
我：ok，你定啲黎，唔會有事，,我實救你，你自己小心啲，轉頭見。
馬田：阿文我靠晒你架啦，快啲呀。
我：放心。你唔會有事。
收線後即刻打去搵目標集團李老闆。
我：我想搵李總
王秘書：李總在開會，請你留下公司名和電話。
我：你是王秘書?
王秘書：我係呀，你係？
我係S1基金既鐘出文。我同事馬田今朝同你聯絡過的。
王秘書：係呀鐘生，我們已經安排好接待事宜，係咪有野要更改？
我：馬田係深圳遇到麻煩，想請你地幫忙。
王秘書：有咩麻煩？喺深圳我哋相信會幫到手的。
我：佢比公安請左去福田公安局，你地可唔可以幫手。我而家會上黎深圳會合佢。大約三個鐘頭後到達。
王秘書：無問題，馬田先生同鐘先生都係我們既朋友，我地一定盡力幫忙，請你放心。
我：多謝李總同王秘書既幫忙，我等你的好消息。
王秘書：我地轉頭再聯絡，現在我先向李總報告，byebye。
我：byebye。
既然我已經搵到幫手，個心都定咗好多。再打電話同Coco，Annie講有急事要上大陸，叫佢兩個照顧自己，有咩事就打比我。跟住直接坐的士去過關。
半路中途，已經收到王秘書的電話，馬田已經釋放，無被起訴，話一切都是誤會，並且已派人接回酒店。
我多謝了李總和王秘書的幫忙。真係利害，一個電話打去，話放人就放人，查都唔使查，不過事實就係咁，目標集團就係有勢力人士，佢講一句就得，仲使 乜抬錢上去疏通。有快既方法，有有效既方法，不過無論用咩方法，都唔會係正路既方法，真係好可悲。個蘋果一早就爛到入心，唔係，蘋果係由個芯爛出黎既。