《我老婆教我追女仔》: 第二十一章

因為小惠說過，她很想去紐西蘭旅行，她很想可以自己駕車在那邊四處去，到那邊的草地上向著綿羊狂奔，要替牠們剪羊毛，要去果園摘最新鮮的士多啤梨，要玩skydiving，要去跳bungy jump，要去滑浪，要去山洞裏面睇螢火蟲，要去南部睇企鵝，要坐船去睇鯨魚擺尾，要去爬冰川，要去行火山............

所以我在畢業之後，就先去考了個車牌，再跟家人說想去紐西蘭working holiday，擴濶自己的眼光，再回來找工作。幸好我老姐幫我扛著，先不用我賺錢養家，所以就答應讓我出走。

這一年裏，我走遍紐西蘭，尋找小惠口中所說每一件想做的事。我到了牧場打工，剷了個多月牛糞羊糞之後，牧場主人終於讓我嘗試剪羊毛；又每天清早起來，睡眼惺忪的到果園摘生果；面帶恐懼的去玩skydiving和跳bungy jump;不太懂游泳的我，在滑浪板上與海浪對抗著，最終滑浪沒學成，反而學懂了游泳；暈著船浪，以吐得七葷八素的姿態拍著鯨魚擺尾的照片；走到斷腳都還沒走完的冰川與火山；還有到山洞看螢火蟲，看企鵝等等......

每到一個地方，或每做一個活動，我都會拍一張自拍照，而在自拍照裏我總會在我身旁留下小惠的位置，希望將來我跟小惠重遇時，我可以再帶她來這些地方，再做這些事情，然後再一起拍下合照，取代只有我獨照的這一張相片。


 


每拍下一張照片，我都會將它貼在小惠留下來，我跟她的相冊裏。又好像小惠一樣，我會在相片旁邊寫下想對小惠說的話。

「小惠，我剷咗成個月屎，個農場主人終於比我嘅美色打動，比我剪一次羊毛咁大把啦！不過啲羊真係好X臭！」

「我而家真係好眼瞓(-_-) zzz。日日咁摘士多啤梨，真係食幾多士多啤梨都補唔番呀！」

「嘩！skydiving真係超級霹靂好玩呀............你唔好睇張相見到我個死樣以為我好驚喎，係因為跳一次好Q貴我先咁嘅樣咋！」

「你睇我跳bungy個樣幾英！邊有人跳樓跳到我咁鬆容不迫，遊刃有餘㗎?（我重申多次﹕ 我係無嚇到賴尿㗎！)」



「你睇吓我滑浪嘅英姿，簡直覇氣盡現呀！而我亦到成功學識咗......游水喇！滑浪？who's fuxking care?」

「啲螢火蟲喺山洞度閃吓閃吓，真係好似星星咁靚，不過其實夜晚個天仲靚呀，真係有超級超級超級X100多星星呀！多過我哋喺大東山嗰次好多呀！我一定會帶你嚟一齊睇㗎！」

「喺我嘔咗689次之後，條PK鯨魚終於現身駛出降龍十八掌嘅一招--神龍擺尾喇！」

「喂喂喂！你睇吓啲企鵝，又肥又矮，籮柚又大，行路gut吓gut吓，真係同你一樣咁Q呀！」


 


每次我翻開相册，都會再從頭細看，看到小惠偷偷拍下我睡相的照片，看到我跟她的合照，看到她燦爛的笑容，我都不自覺鼻子一酸，眼淚開始在眼眶裏累積。

『小惠呀小惠，將來嘅我帶咗你去紐西蘭未呀？你哋......我哋係咪好似公主王子咁，快快樂樂咁生活落去呀？......我仲有幾多年先可以見返你呀？我...我真係好掛住你呀！』


 
如是者，一年之後，我就帶著這本滿載回憶的相冊回家。回港不久，很快就找到符合自己專業的工作。剛回香港，我還是很想念小惠，雖然工作忙碌，但每逢週末，我都會帶著相冊，走到我們去過的地方懷緬一番，我亦會四處張望，希望找到小惠的影子，當然，每次我都失望而回......

『唉...香港有成七百萬人，邊有咁易撞到呀......』

又過了一年多之後，因為開始為了考專業試努力，而工作又排山倒海而來，基本上我都已經將工作放在第一，而將小惠放在我內心深深處。