時光--回憶--相愛: 第六章 分離

第六章 分離
     系夜晚凌晨十二點幾，同女朋友講完早抖之後突然收到一個whatsapp message，原來都系女朋友，仲要系一個audio
           Audio『我宜家好唔開心啊 你可唔可以羅黎陪下我啊』
           我聽到佢把聲好似喊緊甘，有d擔心
           Audio『好啊 邊到等？』
           『照舊啦』
           我地兩個其實都住得好近學校，我地學校都系觀塘附近，當我地話照舊既時候其實姐系去觀塘海濱長廊，個到近海，有幽靜，傾心事同拍拖系最好不過，有時自己行過經過個到既時候都好大機會見到一對一對既情侶，通常夜晚多d
           我一去到就見到有個女仔坐左系張木長凳上面喊緊，隔離有一盒紙巾 同埋好多已經用過既紙巾，我遙遠已經知道系我女朋友，如果一齊左差唔多成年幾兩年都唔認得自己女朋友就死啦
           我慢慢行過去，之後慢慢系佢隔離坐得左，之後我問佢
           『做乜野啊 傻妹』




           佢乜野都無講，只系攬住左我，個頭系我膊頭到，系呢一刻我唔再問，只系靜靜甘坐系到比佢攬住，每一次同佢攬都好開心好滿足好幸福，不過今次無論如何都無呢種感覺，今次我覺得好心痛，因為我愛既人佢好唔開心，佢好心痛，我好想有同佢分擔既能力，但就算我宜家系佢隔離，我都唔知發生乜野事，唔知點樣安慰佢好
           我又唔敢叫佢唔好喊，因為初中既時候，我同班有一個女仔無啦啦放學個陣喊，甘我出於關心米叫佢唔好喊羅，點知佢仲喊得犀利左，我仲要比佢d frd話
           『你知唔知啊 一個女仔喊既時候你唔可以叫佢唔好喊架 佢會喊得仲勁』
           我其實覺得好無辜，明明做左件關心人既事，最終仲要比人話，所以其實我好怕女仔喊
           系呢個時候佢一路喊一路彈左句甘既野出來
           『其實你地d男既系米個個都系中意貪新忘舊 都中意貪新鮮 都中意唔守承諾 都中意講大話架姐』
           系呢個時候我其實已經隱隱約約估到d，佢中意既人系我，我系佢男朋友，甘佢穩得我出來，姐系唔關我事啦，佢有一個讀緊大一既阿哥，甘聽羅都應該唔係佢，甘淨翻同佢最親既男性就應該系…
           『系米你屋企出左乜野事啊？』
           我一路講一路輕輕力甘拍下佢背隻
           『嗚嗚…點解d男既可以講過既野唔算數』




           『系米你daddy mammy出左乜野問題啊？』
           『你應承左我既野唔會做唔到個何？點解個個唔可以都好似你甘好』
           『傻妹黎既 唔好喊住先啦 如果個個都好似我甘 甘個個都可以同你一齊啦』
           『頭先我聽到daddy mammy鬧交 我聽到佢地話要離婚啊 我好唔開心啊 我唔想無左佢是但一個 其實我mammy生完我之後身體一路都唔係幾好 隔幾個禮拜就要睇一次醫生 有時情況好d就唔勢食藥 但係近幾年基本上日日都食幾次藥』
           『甘慘 系乜野病啊』
           『我都唔係好知道 佢好少同我講呢d野 你聽埋我講先呢 米打斷我 之後其實佢地近幾年都好少講野 就算講都系講下我同啊哥點 daddy 佢成日要上大陸做野 岩岩聽佢地鬧交 好似系mammy 知道左daddy有左第二個 之後daddy索性話要離婚』
           『對唔住都要講句架啦 你daddy好衰貪新忘舊 你mammy病 應該多d陪下佢啦 仲去大佬穩女人』
           『傻佬 你唔係甘架何？你同佢地唔同架何？你話我知啦』
           『我緊系同佢地唔同啦』
           『如果我有日患左絕症有或者系有重病 你會唔會唔要我架？如果我又有一日毀左容你會唔會又唔要我架？』




           『緊系唔會啦 傻妹黎既』
           雖然我個口系甘講，但系我心裡面lum既又系另一回事，我不斷系到問自己，如果佢所講既事真系發生左，我系米真系仲可以對佢不離不棄，愛佢一生一世，我對自己仲有懷疑，我系到lum其實我系米唔夠愛佢，電影個d男主角可以為左救個女主角，就算冒住生命危險都可以唔皺眉頭勇往直前，雖然我知道系電影，但心裡面總系可以做到佢甘
           『放心啦 傻妹 我唔會甘容易就離開你 我覺得如果有一日我地分開 都系因為你唔再中意 唔再愛我』
           『好野 甘我地肯定一世都唔勢分開啦 系你未唔愛我之前 我都會一直愛住你 我好清楚我自己lum法 我甘大個女最肯定就系今次 以前個幾次拍拖 我一直以為我好中意個幾個男仔 原來你先系我第一個中意既男仔 我晚晚發夢都見到你 同你whatsapp又會成日無啦啦對住部電話系到傻笑 我d frd都以為我顛左 我就算上堂都成日掛住你 如果我考試唔合格 我一定賴你架』
           『下 點解啊 關我乜野事啊 我無辜架』
           『鬼叫你搞到我甘愛你 成日掛住你 專心都唔到上堂啊』
           『哇 你甘都得既 甘姐系我唔合格 我都可以賴你架啦wor』
           『系啊 賴我啦 至少我知道你會掛住我啊』
           『其實我幾時都甘掛住你架啦』
           『真既？』
           『twenty-four seven』
           『乜野系twenty-four seven啊』
           『姐系一日24個鐘 一個禮拜7日 日日都甘掛 每個鐘都掛』
           『甘得意既 甘我sixty sixty twenty-four seven twelve甘掛住你啦』
           『你呢個乜野黎架 你自己作架？』




           『系一個好出名既人講架 佢叫做xxx（佢自己個名）連莎士比亞都佩服得五體投地』
           佢就系一個甘小朋友 甘可愛既女仔 我唔知將來既我地會點 我唔知道將來會發生乜野事 我只系知道呢一刻既我好愛呢一刻既佢 我亦到知到呢一刻佢亦到好愛我 只要可以令佢開心 我願意做任何野令佢笑 因為佢擁有世上最令 最燦爛既笑容 你可能唔認同我 但至少我系甘認為 如果可以日日見到佢笑 我真系唔介意少幾年命
           『若你我可抱著睡 連命也甘心短幾歲 誰能及我將性命也闊出去 』
           呢一刻我知到我女朋友需要既唔係乜野甜言蜜語，而系一個可以依靠既膊頭，我唔再講野，只系攬得佢好實，任由佢系我膊頭繼續落淚
           『If you wanna cry cry on my shoulder and if you need someone who cares for you』