時光--回憶--相愛: 第四章 承諾

第四章 承諾
     一. 唔準呃對方 無論系大事又好小事都好
           二. 唔準覆單字
           三. 唔準淨系覆emoji
           四. 唔準hea覆
           五. 發生乜野事都好 都要坦白同對方講
           六. 大事小事都好都要主動同對方分享
           七. 唔準on左whatsapp唔應
           八. 唔準嚴對方煩
           九. 以上八項承諾 如有違背者 違背者將要聽曬對方話




           上面呢9個承諾系我同佢傾左幾日計之後整出黎既野，雖然只系9樣野，但係其實已經包括左好多野，我地繼續口水多過茶甘傾計，有一日佢突然問我
           『你呢 其實拍過拖未架？ 上次得你問我 我都無問過你tim？』
           『拍過兩次羅 做乜野突然甘問既』
           『無啊 突然lum到米問 甘其實你中意d乜野型既女仔架？』
           『um…點講好呢 中意d可愛得黎又d蠢 蠢得黎又有d傻 傻得黎又有d爹 爹得黎又又d痴身就好啦』
           『你要求都好高下姐（斜視emoji）』
           『其實我識得有一個人符合曬上面甘多個條件』
           『系邊個啊 甘你米一定好中意佢啦』
           『你估下 系架 都既好中意佢架』
           『喂啊 講明要乜野野都要坦白同曬對方講架wor 你宜家系米想聽曬我話啊？』




           好明顯我好強烈暗示緊佢啦，唔知佢get唔get到呢
           『唔系唔話你知 只系想等你估下姐』
           『我估唔到啊 開估啦』
           『甘懶架 估都未估就放棄』
           其實到宜家差不多傾左一個半禮拜計，我其實對佢好有好感，不過就系唔知佢點lum，應承個自己，系未知道對方心意之前，絕對唔會甘容易做主動表白個個，不過因為佢，我唔介意做主動個個就算佢話唔好都好，我決定系今個weekend同佢表白
           過左幾日之後，佢再次問翻我同樣既問題
           『究竟…究竟符合曬你所有你中意條件既女仔系邊個？』
           『點解你會甘有興趣知既』
           『因為我好羨慕佢』
           系呢一刻我既心情極度甘複雜，開心得黎有d煩惱，煩惱得黎又有d開心，開心得黎又在加上d驚訝，我開心系我知原來佢對我都中意我，驚訝系我估唔到佢甘答，煩惱既系我唔知點樣面對呢段感情，始終佢父母唔比佢拍拖，無論將來系點 ，呢段感情一定唔會簡單，但系絕對會系非常難忘既一段感情，無論結果系點我都想試一試




           『其實我想講 你唔需要羨慕任何人 因為我中意個個女仔就系你』
           『真既？』
           佢雖然無用任何既emoji但我深信呢一刻既佢其實好激動好開心
           『系 我系認真架』
           『你系米平時成日都甘tum女仔架？』
           『睇邊個羅 如果你的話 我願意日日lum一個新既笑話黎tum你開心』
           『我好感動啊 你可唔可以唔好對我甘好 我會越來越中意你架』
           『有乜野問題啊？』
           『我怕將來有一日我會愛到你傻左 有一日我依靠你 依靠到唔可以失去你 之後比我啊爸啊媽 拆散 我驚我會定唔住 我系個d好易中意人 一中意人就會中意到好顛 一愛一個人就會愛得好深個d人』
           『你想唔想知d野啊 我個初戀呢 同我拍左拖17日 我同佢散左之後個兩個禮拜日日都喊 飯又食唔落 笑又笑唔出 我同自己講過至此以後我一定要知道個女仔中意我先，無論點我都唔會做主動個個 但係你知嘛 你改變左我 早幾日其實我已經決定左 同你表白 無論 結果系點我都唔會後悔 就算個答案系no都好 我至少覺得我嘗試過 如果我未試過 不斷系到拖 最終你比人搶走左的話 呢個一定會系我人生既一個遺憾』
           呢個時候佢send左段錄音過黎
           Audio『以前五個男朋友同我一齊都無好結果 都系比我啊爸拆散左 你真系唔怕？我地無乜野將來架炸其實』
           Audio『怕乜野啊 你知唔知道外個有個terms叫YOLO 你知唔知點解 姐系代表YOU ONLY LIVE ONCE我覺得乜野都要試下 如果你唔想同我一齊 我會尊重你既意見既』
           我再錄多左一個Audio’
           Audio『xxx 我其實好中意你 你可唔可以同我一齊啊 我知自己儭你唔起 但系我應承你 我會盡我最大既努力另你幸福 每日另你笑 每天愛你多一些 希望我地可以一齊到世界末日 我知我自己唔系甘令仔 講野有輕佻 好難信我系個d專一既人 但你信我呢一次 同你一齊之後 我唔會望其他女仔 每日淨系覆你一個whatsapp 你唔中意我做既野 我絕對唔會做』




           呢d野打出來就容易，但系我用錄音，講個陣超級尷尬，因為覺得好怪成件事，好似對住部電話表白甘，基本上錄音個陣，成個key高左兩度，聽翻都覺得好好笑
           『我聽日覆你 早抖』
           之後我成晚都訓唔著，因為我好緊張，我好驚，我好驚佢會say no，眼白白地=睇住個天由黑慢慢開始變灰，望出窗外面見到橙橙地，原來系日出，慢慢成個太陽出曬黎，覺得時間好漫長，周邊好靜，只系聽到個鐘系到tiktok tiktok甘，同埋蟬系到叫
           突然『鄧燈』一聲響打破左朝早既沉默，你一聲『鄧燈』比起鬧鐘更有醒神作用，我等左成晚就系為左呢一聲『鄧燈』，我無即刻羅起部電話，我深一淡呼吸，然後一睇，原來系Audio，姐系唔解鎖就唔會知內容系乜野
           Audio『我lum左成晚啦 我覺得你講得好岩 乜野野都要試下 我都唔可以錯過你 我知道如果我唔say yes我一定會後悔 記得你尋晚應承我d乜野啊 你唔守承諾就準備聽曬我話啦』
           我用勁溫柔既聲覆翻佢一個audio
           Audio『我守唔守承諾 我以後都聽你話架啦（心心）』
           就系甘我就同女朋友開始左一齊
           『臨睡想一想你便會飛 夢裡那輕柔輕柔呼吸的我 躺在雲朵側邊吻你 讓我享受談戀愛 投入你內 入迷的眼不想再將開 讓我享受談戀愛吧 因為世界有著你 我才真的相信我』