時光--回憶--相愛: 第二章 相識（一）
第二章 相識（一）
仲記得三年前既今日，中四既我拍過兩次拖，第一次系中三第二個term，我中學一年三個term，term two叫做系年中，記得第一日翻中一既時候仲應承啊媽話中學時期唔拍拖，專心讀書，考入三大,忍左三年半，算系甘啦哈哈
初戀其實都叫做幾慘啊我，初戀都系學校師妹黎既，甘佢細我一年，幾令女，性格開朗，又講得笑，其實真系唔錯，不過同宜家個個當然系無得比，不過個陣未識宜家個女朋友 甘佢其實叫做真系唔差
同初戀第一次傾計系系佢比男朋友飛個陣，佢男朋友其實系我同班同學，好令仔下，讀書唔差，運動又勁，重要因為玩游水，有一個倒三角既身材，系當時不少女生既目標，個陣同個初戀超好傾啦，因為我地兩個都系個d勁talk的既人，我唔中意個d文靜扮矜持既女仔，我覺得同佢地拍拖會好悶
同佢傾下傾下都傾左兩個月，個陣細個情竇初開，之後有一日就同佢表白，話中意佢，其實都好尷尬，因為我怕醜仔，所以無面對面問，只系系電話到問，但系都系超級甘怪，好好彩佢竟然應承左，之後我地拍拖之後兩個幾禮拜，正確d黎講系17日之後佢同我講其實都系做翻朋友算啦，之後我就同我個初戀散左，我有個好似比人玩既感覺，至此之後我同自己講，就算我好好好好好中意一個女仔，對佢幾有好感都好，我都唔會系做主動表達愛意個個，至少知道佢中意我先，至少唔會比人玩得甘慘
『系感情既世界，我地永遠都系初學者』
第二個女朋友其實無乜野，個陣系差不多中三尾，佢話中意我，個陣單身加上同佢又幾好傾，之後就一齊左兩個月，其實認真佢真系好好，好關心我，基本上乜野都就曬我甘制，佢對我真系好好，但系可能就系佢因為對我太好，我覺得總系好奇怪，比起女朋友，我覺得佢更加似我第二個啊媽甘，關心無微不至，但係對話之中又無乜野情趣，最後我同佢講話不如分開啦，佢話唔好，但系我無理到佢，我宜家lum翻起都覺得自己好衰
三年前既411，我同平時一樣放學hea陣先翻屋企，基本上上到高中好懶散，成日欠交功課，上堂又成日釣魚，但系憑住我既小聰明加埋成日比啊媽迫住weekend去補習，每次測驗考試都系羅比合格高十幾分甘，絕對稱唔上好，不過又唔可以話太差，我啊媽都無我『扶』，數學我比較好通常都羅八十分以上
放學hea既時候我同我最frd既一個女仔--晴晴，系學校周圍行下hea下吹下水甘，行過操場既時候迎面而來系兩個著住初中校服既小妹妹，其中一個系我宜家既女朋友，我第一眼望佢已經覺得佢好令好可愛，當我地兩pair人準備檫身而過既時候，我地對望左一眼，跟住我地兩個都笑左一笑，佢既笑容系我見過最令既，尤其系露齒既時候，白雪雪既皮膚在加上白雪雪既牙，好似天使下凡甘
『是你美麗如斯 像夜深的天使 人間發現純真的意義 你已識我所思』
我系我中學其實叫做好出名，出名顛同低B，基本上好多人都識我但系我唔系好識佢地，檫身而過後我問晴晴，頭先個個女仔叫乜野啊，佢系學校風紀，識既人比較多
『做乜野啊你 對人有意思啊？』
佢仲要用個奸笑tone、同奸笑樣同我講
『你理得我姐 甘你究竟知唔知啊』
『佢米系1E個個xxx羅 聽講佢系單身 系對人有意思就快d上啦 搶手貨黎 比人搶左就無架啦 唔好話我到時無睇過你啊 我好似仲有佢facebook 你要唔要啊？』
『好啊 你陣間whatsapp我啦』
過多一個幾兩個鐘頭之後我都翻到屋企，換完校服，執一執完間房之後我就收到晴晴既whatsapp
『佢facebook名系xxxxxxxx xxxx 加油啊你 記得到時結婚請飲wor 話曬我呢個媒人功勞都唔細下 有乜野再穩我啦 祝你溝女成功xdxd』
『lol 睇下點啦 遲d穩你 啊媽叫開飯』
食完飯之後，我用我部HP laptop上facebook，之後打左晴晴比我個名上搜索個欄，第一個搜索結果有六十三個mutual friend，我無send到交友申請 只系睇左佢張pro pic然後like左
大約十點鐘左右，岩岩睇緊TVB既節目，趁住賣廣告個幾分鐘，我由廳行翻入去房，我無山到機，所以好快我就上翻facebook，一login就響左一聲『鄧燈』，左上角交友申請個到有個紅色圈中間寫住個一字，原來…原來佢send左交友申請比我，我勁開心，之後即刻accept左，好明顯其實我呢一刻已經知佢系邊個，不過我仲扮曬傻甘，因為呢個系我識女仔既一個方法，我facebook message佢
『HI』
『HI』
『你系邊個啊？>< 做乜野add我既？』
『我系同你同校1E班既xxx啊？你系米讀中四架？』
『咦 你點知架』
『無啊 甘你著住高中套校服 個樣有好似好大個 米古你系中四lor』
其實我雖然系中四， 但係個樣仲系好系個甘，無計，我啊媽系到要生到我甘後生，甘青春常駐，如果我唔係著住套高中校服，我肯定佢以為我同佢同級
『你未答我wor 你做乜野無啦啦add我既』
『我見到你無啦啦讚我張相嘛 我又唔知你系邊個 甘米add你羅』
『哇 咩你乜野人都add架 識又add唔識又add』
『唔係啊 甘我見到我同你有甘多mutual friend 知你一定系學校d人 甘我米add羅』
『原來系甘 你做緊乜野啊』
『本來睇緊電視 不過你穩我我掛住覆你 無睇啦宜家』
『唔好理我啦 你去睇電視啦 聽日見早抖』
『早抖』
就系甘我地開始左我地既第一次對話，而呢一日正系411，雖然唔係話乜野好好好多豐富既話題，不過總系一個好既開始