戰·人類·英雄·魔物: 第三章

第三章
  唔經唔覺就甘過左八年，宜家我已經系一個12歲既少年，而今日就係評核試，用黎睇下邊個有能力可以對付魔物，合格個d可以自由進出魔域，唔合格個d就要留低幫手鍛治武器同埋建築防禦設施等等，今次評核試最高分個三個有機會可以跟『老頭』，呢個『老頭』唔好睇少佢，系個d好出名既魔物獵人之後，號稱最強既人類就系佢，聽講佢今年已經83歲，但係就一隻魔物都未殺過，可能你會系到諗，一直魔物都殺過都居然被稱為最強，的確佢系一隻魔物都未殺過，但系被佢整到半生死既魔物就不計其數，佢可以自由進出魔域既門口，來去如無人之境，甘當然佢都唔可以去到好深入既魔域，只有英雄有甘既能力，佢既能力其實絕不下於英雄，但係始終孤身系無可能去到好入既魔域，以前19個英雄先可以差不多去到盡頭，但系最終都全軍覆沒，我好想有機會可以跟到佢
    最高分既個三個考生可以跟佢入去不斷獵殺實習，直至殺狗數成為英雄，我地通常叫呢個叫左『培英』，姐系培訓英雄既班，佢好似系33歲個陣擔當呢個職位，今年系第50年，由佢帶出來既英雄好似有57個之多，五十年每年三個應該系150個，點解會得57個，原因好簡單英雄數量有限，英雄無身亡的說話，就算你儲夠數都做唔到英雄，如果有一個英雄死左的說話，替代個個將會系殺得最多魔物既人類，有好多人系變英雄之前就已經被魔物吞噬，因為佢地想變英雄要殺多d魔物結果越級挑戰導致身亡，『老頭』之所以甘經都無變英雄系因為佢根本無殺過，佢曾經講過佢唔稀罕乜野英雄，其實英雄唔系一個稱號，系神賜被人類既能力，用黎抵抗魔物，所以英雄唔係人民推舉出黎，而系總之你殺得多就越有機會成為英雄，順帶一提殺級數越高既魔物系會計多d獵殺既數量，所以d人先會去獵殺高級d既魔物
    我啊爸個陣唔係由『老頭』訓練出來，不過個陣佢想鍛煉自己，所以不斷獵殺，最後獵殺既數量居然超過左『培英』個三個人，變左英雄離開左我地，如果我跟到佢，就有好大機會可以變成英雄，殺盡所有魔物，每年我身邊都有不少朋友比魔物食左，所以我由6歲個陣就同自己講要做到英雄殺曬啊爾達上所有既魔物
    佢地侵襲既次數其實極頻密，差唔多一星期都有三四次，每次規模都唔同，有時多d高級魔物，有時數量好多但系級數唔高，我可以生存到宜家可能系因為我系個細路，爾達地有政策就係先保護女人同細路，所以每次被侵襲我地都會被送到最安全既地方---『地下迷宮』，呢個地下迷宮位於較緊魔域既阿爾達邊境，甘近魔域米會系第一個地方被入侵，原理上系，但呢個迷宮面積其實有半個啊爾達甘大，女人同細路會系迷宮既最深處，呢個迷宮既厲害之處系分叉路多達一萬條，但可以去到我地藏身地點既就只有一條路，仲唔係一時三刻可以去到，當時設計呢個迷宮既人更加講將成個迷宮牆與牆之間整d小洞出來，用意就係等d魔物聞到我地既氣味，明明就系前面但系就過唔到，魔物雖然四肢發達，但系頭腦簡單，獵物明明就系前面，又點會捨得調轉頭搵個第二條路行,而且仲有老頭守系最後個關，所以真系講得上系萬無一失