抉擇: 第十八章 愧疚

第十八章 愧疚 約會像是為分享到飽肚滋味 有任何難題卻不提起
  出左戲院門口之後，我地去左附近既一間茶餐廳到食晏，間茶餐廳都算幾乾淨，至少比好多茶餐廳乾淨先，一望個餐牌當堂笑左，午餐有我最中意既叉燒拉麵，正，不過我唔可以淨系諗自己，宜家d茶餐廳真係同以前個d差好遠，唔系淨系得即食麵同焗飯
    『你想食乜野啊 音音』
    音『無所謂啦 你話事』
    我諗佢女仔怕肥一定唔中意食炸野，我又記得佢講過佢中意食蒸肉餅，又甘岩今日午餐有鹹蛋蒸肉餅，之後我舉起手
    『伙計 一個叉燒拉麵 一個鹹蛋蒸肉餅啊 唔該』
    伙計『好 即到』
    果然過左無幾耐，兩碗熱辣辣既湯麵同飯就擺左系我地前面，我個碗叉燒拉麵原來加左料，有d熟蒜同蔥花，我都未羅埋黎音音已經搶左我碗野，將我個d熟蒜同蔥花筆左去佢碗飯到，我個一刻勁感動，佢居然仲記得，其實我地已經有一排無一齊食野，佢仲系好記得我唔中意蔥花同熟蒜，一個甘細心既『女』朋友系邊到玩，系呢一刻居然有一下認為希希同佢無得比
    如是者，開心既一日就甘過左，當然我唔會將今日影過既相po上網啦，找死咩，個一晚翻到去開左個IG黎睇，碌到第4個post就系音音既相，佢po左我地既貼紙相，而且仲要系最後個張，不過佢blur左，所以其實都認唔出系我，個caption系
    『今日叫做系我出世而來最開心既一日 今日所發生既事我會收埋系我<3到 永永遠遠都唔會忘記』




    之後有勁多人留comment，其實都唔出奇既，佢follower有成千幾二千個
    『邊個黎？』
    『哇邊個甘好彩啊』
    『佢就好啦』
    我心裡面其實沾沾自喜緊，我睇完d comment之後有一下直頭笑左出來，我真系好好彩，不過系呢個時候我突然掛住另一個人，一個我成日無覆到既人，甘我今日成日同音音出街，當然唔會同音音出街然後覆佢whatsapp啦
    『hello 點啊 有無掛住我啊？』
    希『哈哈 有啊 你今日去左邊啊 成日都無覆既 好少何wor』
    『今日同阿媽去街啊嘛 有時候都要做下乖仔架嘛』
    希『甘乖仔 甘聽日陪啊媽 唔好陪我啦』
    『甘又唔得』




    希『點解啊xd』
    『車 你明知故明既』
    呢一刻，我心頭莫名其妙甘湧起左一陣愧疚感，我唔知系良心發現定點，突然覺得呢一刻我所做既野十分仆街，仆街系我唯一可以諗到既形容詞，一腳踏兩船既方法果然系愛情世界所不容許既，我認真覺得音同希各有各好，其實希希有時真系對我好冷淡，我有時覺得自己系可有可無，但系唔知點解佢總系有一種野不斷吸引住我，除左外表之外，可能就系佢對我個種忽冷忽熱既態度，好吊我隱，總之就有一種不能捨棄既感覺
    我認為我呢一刻需要既系一個明智既抉擇，系我心裡面好清楚，我選擇一方，都會失去另一方，我其實認識希希既時間唔係話甘長，對佢既認識唔係好深，好多佢既諗法都唔清楚，就系因為系甘，我更加想了解佢多d