抉擇: 第十二章 矛盾

第十二章 矛盾 或許到最後沒有完美句號 仍然倔強冒險一一去征服
  我從來都只系當音音系兄弟，無任何非分之想，其實以佢既條件，佢可以搵一個比我好一百倍，比我細心一千倍，比我更愛佢一萬倍既男朋友，但佢居然宜家話中意我，我真系萬萬估唔到，我對於呢個突如其來既答案真系都唔知比乜野反應好
    『我…我…對唔住啊音音 我一路都察覺唔到 我真系好遲鈍好蠢 我應該一早就要估到』
    其實宜家點講都系我錯架啦，居然系要個女仔出聲先，其實真系好失敗，中六生，一個女仔由中一到宜家日日陪你翻學，又唔同你鬧交下下乜野都就住曬你，稍微有個腦袋既人都應該會諗到，奈何我一開始已經對號入座排除呢和可能性，結果宜家搞成甘，我真系好嬲自己，好嬲自己甘蠢，好嬲自己點解唔早d察覺，好嬲自己宜家搞到音音喊緊
    由中一開始我地已經好frd成日周圍去玩，好多師弟妹都以為我地一齊，話我地好儭，甚至有時我陪佢去行街，d售貨員會同我講
    『先生 呢款系今季最新款最多人買既一款 不如買翻件tum下女朋友開心啦』
    認真講句，以音音呢d甘有質素既女仔真系可以搵到不少好男仔，佢絕對系儭得起我有餘，反而系我自己儭佢唔起，我儭佢唔起，更加儭希希唔起
    系呢個時候我好清楚知道，如果我同音音表白做主動個個我其實系呃緊自己，因為由中四個年我已經將我個心比左希希，但係音音佢五年前就已經將個心比左我，但系我竟然無視左五年，系足足五年
    一個系我暗戀左兩年有多既女神希希，另一個系極可愛同我frd左五年既best frd音音，你叫我點簡，我知道我宜家呢一刻無論選擇任何一邊都系對音音唔公平，我簡希希的話，第一我無十足把握佢話點頭，第二如果我簡音音好明顯我系呃緊佢，同時亦都系呃緊我自己，我好清楚呢一刻既我仲系當佢系frd，絕對無任何同佢會發展落去既想法，日後我唔好知道，只少我清楚宜家無先
    我以為呢d甘既情況只會發生系TVB個d無厘頭既劇集裡面架姐，點知居然會發生系自己身上，我知道如果我宜家同音音佢講我其實心裡面只要希希一個，唔單只會令佢傷心死，我仲會無左佢呢個朋友，系無得簡既情況下我做左d自己最唔想做既事---講大話，又細到大啊媽都同我講衰仔你米成日講大話啊，我細個個陣唔聽佢講，難怪我十歲個年已經換曬所有牙啦，上到中學我已經唔講，講笑除外啦，講笑應該唔計呃人掛，不過系呢個困境我選擇左講大話




    『你唔好好住聽我講先啦 其實我中意識你個陣有中意過你架 不過個陣小學雞唔甘同你講 之後慢慢同你frd左就無再諗埋d甘既野啦』
    其實呢個都唔係太叫做大話既，個陣話一開始識佢個陣有諗過同佢發展姐系個陣其實對佢有好感，不過有未到中意既地步，係人對令女都有好感架啦，仲要系呢type超可愛型女仔wor
    音『甘宜家呢 仲中唔中意？』
    佢講呢句個陣眼仔碌碌甘望住我，好希望系我口中聽到仲中意呢三個仔，但系望著呢個甘純真既樣，我真系講唔出大話
    『我如果宜家話有都系呃你架姐 始終我中四開始已經中意佢 你宜家突然話中意我 如果我話其實我都中意你你都唔信啦』
    呢個系我認為我甘大個仔答問題答得最後既一次，拒絕得黎有有轉彎既餘地，但係又唔係話一口拒絕，等日後見面唔係甘尷尬
    音『嗯…』