抉擇: 第七章 車程

第七章 車程 還有多久 我才能在你身邊
  假如…假如呢一程車無終點，你話幾好呢
    希『系呢 啊俊佢打兵乓球好勁架？原來學界甘早開始 我仲以為年尾先開始tim』
    『哈哈 佢系我見過真人打兵乓球最勁個個 佢好似系系佢組最勁個個 我記得呢以前初中個陣同佢打過一場乒乓球 好彩佢個陣唔係好勁 我都羅到一分』
        其實個球仲要系佢讓我，其實好明顯下，甘我緊系唔會提啦，之後佢聽完之後就系到笑，正所謂周幽王烽火戏诸侯，只为博红颜一笑，我宜家都終於明白佢點解會甘做
    希『乜你甘屎架 仲以為你會贏tim』
    『佢港隊黎架 點贏啊』
    希『原來系港隊甘勁啊 搵日叫佢教下我打先』
    『佢好好人 我諗佢會肯既 唉仲有半年就DSE啦 我諗住搵補習 我個班大半班日日放學之後都去補習社補習 搞到我都勁緊張 好似唔補會比其他人進度慢甘』
    希『系羅 我個班都系甘 有d frd話系比daddy mammy逼 我daddy mammy無逼我 所以一路都無補 但系宜家仲有半年 我其實都想試下補 我諗個個都補 點都有d用掛』




    『不如我地一齊搵間補習社補羅 叫做系有個盤嘛』
    希『好啊 你有無好介紹啊甘 米住先 你修邊幾科架』
    宜家學制系最好4+3，最少都4+1，我中四學期中就已經drop左科history，因為我最憎記野，history仲要系悶到抽筋既一刻。所以挨過左第一個term就放棄左，我系科學人，宜家修phy chem再加四科主修科，好彩我數學底幾好，phy記住d formula之後考得都唔錯，不過chem就唔好提，勁多個d乜野exception case，記極都極唔到，次次都系拉車邊合格，佢都叫做科學人，不過佢唔修phy，佢淨系修chem bio
    『我修phy chem』
    希『我都修chem wor 不如補chem 或者四科主科啊』
    之後我地繼續傾下d無關痛癢既野，好彩我夠talk得，無dead air，如果唔係一定會勁awkward，我覺得好好彩至少佢都幾肯講野，又肯講下自己d野，我最怕個d女仔婆婆媽媽，問極佢d野都話你話事啦，之後答完你個問題之後有乜野都唔講，搞到成個場面勁尷尬,其實我真系勁怕個d無主見或者十問九唔應個d女仔，如果我第日個女朋友系甘我一定飛左佢，不過如果佢有日我有個甘既女朋友，好明顯我就做左個會另自己後悔既選擇
    唔經唔覺已經去到太子，仲有兩三個站就到油麻地啦，難得有一個可以同佢獨處既機會，附近有無識既人，一定要好好把握了解佢多d，至少知道多d佢既過去或者佢既想法
    『系呢 你以前有無拍過拖架？』
    希『有啊 不過都系d散拖甘 無一次耐 好似到宜家為止拍過三次 最長個次都系都三個幾禮拜 其實我daddy mammy好嚴架 都唔比我拍拖 我次次都系偷偷地 我次次拍拖都比地捉到 不過佢地話讀大學個陣可以拍拖 姐系話DSE完左之後就可以光明正大甘拍拖 認真我好期待 我成日系到諗我第一個可以帶翻屋企既男朋友會系乜野樣呢』
    『一定會系勁令仔』




    我心諗希望個個會系我啦，希望我會系第一個上你屋企既男朋友
    希『你又知？我都希望會又令仔又愛我又關心我 再加埋愛我既屋企人』
    『甘你甘令女 男朋友點都一定有翻甘上下啦』
    希『哈 你系米成日甘tum女仔架?』
    『哈哈 睇邊個啦』
    無論路程有遠，終會有到終點既一樣，呢程車都系，眨眼間已經到站，再眨就已經翻到學校，好似發左場夢甘