抉擇: 第三章 童話

第三章 童話 我願變成童話裡 你愛的那個天使 將開雙手 變成翅膀守護你
  細個既時候我地會好中意聽童話故事，點解？因為童話中既男女主角永遠都系大團圓結局，每一次都有情人終成眷屬，王子公主從此以後都開心快樂甘生活the end，但系現實中有幾多次既戀愛真系會系甘既結局
    結婚，結完就『分』，如果現實真系可以好似童話甘，甘我宜家就應該同緊『佢』一齊啦，如果一個學校既公主系校花的話，甘我應該就系呢間學校既王子，甘如果照住童話甘樣發展，我宜家應該同佢好開心甘拍緊拖，但系夢想始終系夢想，同現實點都有一段既距離
    其實雖然話同佢同級六年，但系就系未試過同佢同一班，所以其實傾計既次數真系唔系話甘多，不過又唔係話完全無傾過既，我其實叫做同佢傾左一日計，一齊出街左成日，就系系個日起我開始留意佢，開始對佢有好感，開始中意佢掛住佢
    記得中四有一日教師發展日，甘個日所有我地學校既學生都唔勢翻學，A班既照童韋就系Facebook開左個event話去Disneyland到玩，佢邀請曬成級既人去，但系最終佢既人唔係好多，A班有6個，我個班得我同啊俊，音音要學琴唔去得，之後C班得孖妹同另外3個男仔，E班就有『佢』同佢4個frd，加埋得18個人
    甘個日一朝早去到大家就話要去玩飛越太空山(過山車)，因為佢地話成個樂園個個機動遊戲最好玩，識玩一定玩個個先，如果唔係晏就開始多人排隊就要排好耐,我個人比較隨和有無乜野所謂就跟左佢地佢，18個人一齊去，雖然系話聯班活動，但係其實都比較小圈子，A班同翻A班傾計，B班同翻B班甘
    入到飛越太空山，好彩今日唔係乜野公眾假期，人唔算好多，排左隊十幾分鐘就輪到我地，我地唔知到原來個架過山車得20個位，我地前面有四個人，我地得16個上得去，個個都衝曬上去之後先知道有兩個上唔到，我同『佢』比較慢就上唔到
    俊『出口等啦 陣間見 woooooooo…』之後就系甘架車就開左
    其實一開始都幾尷尬，唔系好知想講乜野，不過我心諗我系男仔黎架嘛，打破沉默呢d野無理由要個女仔做姐
    『你之前其實有無黎過Disneyland架 其實今次我系第一次』




    希『我以前黎過一次 個陣一開始正式開放個陣我mammy同daddy帶左我細妹黎 我記得個真好似仲未有呢個飛越太空山』
    系呢一刻我覺得佢把聲真系好好聽，佢講野唔係好大聲，有時直頭唔係好聽到佢講乜野，我成日叫佢你講多次得唔得，有時就算聽到我都一樣照甘講，之後我地玩完之後班衰仔居然唔等我地，之後打佢地電話又無人聽，無奈之下得翻我地兩個，我地周圍行周圍玩，系呢個『童話世界』(Disneyland)裡面,我覺得今日既自己好似王子，佢就系公主，我希望我可以繼續系呢個『童話』裡面永永遠遠快快樂樂甘生活
    系呢日我同佢認識左大家多左好多，黃昏既時候我地終於搵翻我地大隊，臨走個陣佢仲笑住同我講
    希『我今日玩得好開心啊 多謝你』
    『我都系 下次再玩過啦』