落街打羽毛球慘被活力阿婆扣殺，心情好低落: 22

放學後，我將單行紙攝左入四眼妹既儲物櫃
唔知四眼妹睇到之後會點，就當係我小小既關心..


呢日，有件好奇怪既事係我行去返工既時候發生..
一路上，條街好冷清，而我就不停諗住同四眼妹既一點一滴
有時同四眼妹返學佢會整埋早餐比我
我訓練果陣四眼妹經常會係禮堂每外偷望，間中比我發現就微笑一下
佢功課唔識，我唔訓教到佢夜媽媽三點...
我有次扭親腳，佢扶左我返學放學幾日.....






屌!咪就係咁樣諗到入晒神搞到我唔記得睇路...
「拍」一聲我腳指公踼中一件硬物，痛撚到歸晒心..


乜撚野黎架..
我咬牙一望...係...
係一部好大部既攝影機，一睇就知係專業野





邊個擺部咁既野係度呀，唔驚比人偷既咩...

而家四圍又無人，點好呢...
橫掂仲有時間，睇下部機拍左d咩先

我開著左部機，發現有幾條片係度
就咁睇d預覽就似拍緊電影，我亂咁揀揀左一條片黎播


我見到一個上左年紀，著住西裝既男人將個鏡頭擰向自己





「你好嗎?」
「你既工作順利嗎?」
「咁多年黎，我個心一直都唔好過」
「我於心有愧」
「我想見到D學生開心返學，開心放學」
「就好似果時我地一齊返學放學咁」


我記野唔叻..
佢講左好多野我唔可以全部記得晒，但呢幾句既印象絕對深刻
我望住佢眼神，我知佢既遺憾係無法形容咁深...

我...我唔想同四眼妹都係咁.....






「西!」
突然，我聽到一聲怪叫


係我面前飛黎一隻不可思議既麻雀..比一般麻雀大隻少少...
但肌肉好強壯，結實無比...
佢一野擔住部攝影機既掛帶，然後將成部機掛左係自己身上..


佢一拍翼，將成部機從我手中扯走左..
好快咁飛埋上天


我呆望住隻麻雀愈飛愈遠，直到睇佢唔到...






然後，我決定今晚放工之後打比四眼妹