落街打羽毛球慘被活力阿婆扣殺，心情好低落: 17

我同阿婆坐左係空空既羽毛球場上，熱熱地但有d風，唔算好辛苦
唔知點解佢仲唔走

阿婆 :「無咁快有人黎打波架」

我嘆一嘆氣 :「個場空到....」



我眼前，係一個寂靜既羽毛球場，球場既最前方係一個台




台上有部鋼琴，我唱校歌就係台下唱

帶隊阿sir 坐左係我身邊，呢日係例行既羽毛球課外活動，其他球員已經走左
而佢叫我留低，但係又唔講野，大家唔出聲已經成十幾分鐘


估唔到....佢一開口
「嘻嘻!!傻沙也巴聲吾多.....」






佢好似唱緊忍者亂太郎首歌，但我唔知佢唱黎做乜

我打斷佢 :「咩話?」

佢突然指住我個心 :「你無100%」

我完全唔知佢噏乜

佢繼續講
「對唔住，我只係帶隊阿sir，唔似得人地學校請到教練，平日我提供唔到專業既訓練比你地，落場都只係識叫你保持水準咁打，我以前打學界從來都未 贏過半個獎牌，我只係靠住熱誠去一直打波，直到而家幫學校帶你地，我係一個球場既失敗者，我唔知長勝將軍既角度睇野係點，但我贏左你，我堅持到底既心贏左 你，我唔知你咩事咁易放棄一個比賽機會，




如果無咩特別事，我只知對打波有熱誠既人會堅持比賽到最後一秒，咳.....」


我遞左支水比佢

「唔該」佢接過水樽
但無打開，仲繼續講

「講你既技術上，無錯，你彈跳力係好好，體質得天獨厚，但羽毛球唔係下下都可以係高空大大力殺落去，如果你無左打波既熱誠，唔練多d技術，畢左業 之後你遇到既對手唔會再怕你，更可能係你未畢業已經有人打贏你。我知道呢個城市打波既前途唔明朗，但如果打波打到要計較得失，同粒羽毛球計得咁清楚，咁你 不如參加其他課外活動，或者抽多d時間讀書，可能會對你前途仲有幫助。如果你想打落去，即使你畢左業仲打唔打波都好，你以後打每一場波都要100%無悔， 好唔好呀?」


講完，佢扭開水樽蓋，輕鬆咁飲返啖水
望住佢個樣，我先發覺原來我連飲啖水都會辛苦