落街打羽毛球慘被活力阿婆扣殺，心情好低落: 12

同四眼妹坐坐下坐到夜晚
係送四眼妹返屋企既路上，我打醒十二分精神
佢咁既視力，我一定要照顧到佢安全返屋企為止


一路上，四眼妹都帶住充滿疑問既表情
佢終於開口 :「點解你會有五百蚊既?」

我無回應，指住個天嘗試轉移話題
「個天咩色?」








「啡色!」
四眼妹估野既速度快左好多，但視力更令人擔心


佢再問 :「點解你會有五百蚊呀?」






我停低，四眼妹同時停步

我抬頭望向四眼妹所謂既啡色天空
只見星星幻化成銀碼，月亮化成獅子頭，天空變成一張啡色既匯豐五百蚊紙


係同栽判握手既同時，我感覺到佢手中既銀紙

栽判細細聲 :「幾驚你唔收」




我 :「嗯」

我望向栽判身後，係我校既師生
個個都一臉疑惑，而且眼神失去左希望

一個握手之後，五百蚊已落入我手中
我回頭一望，對校教練席上，佢地阿sir打左個眼色比我




眼色 :「你最後咪又係要收」