落街打羽毛球慘被活力阿婆扣殺，心情好低落: 10

我拎住塊上等既羽毛球拍企左係收銀部前
望住個銀包，久久不動...

「先生，先生」


「先生，先生.....」








「喂，先生，副眼鏡你係咪買架」
眼鏡店老闆大喝


「哦，係...」我拎出銀包既五百蚊紙

坐係我身邊既四眼妹一臉驚訝 :「你點會有咁多錢既?」

我無理佢既提問，遞左張五百蚊比老闆






四眼妹拉住我隻手 :「唔洗呀，我夠錢，我唔洗要反防光鏡片架..」

傻既，晚晚都讀書讀到夜一夜，唔買塊靚d既鏡片點讀呀
我問老闆 :「請問有無d無咁易碎架?」

老闆笑笑口 :「無問題無問題，加一百」

我拎多一百比佢





四眼妹上前阻止 :「唔係呀，我要最平果塊鏡片，最平果個框得架喇」





老闆陰陰嘴 :「即係要兩副啦」