落街打羽毛球慘被活力阿婆扣殺，心情好低落: 5

嘔左，我嘔左..
我係我心愛既四眼妹面前嘔左


點解我唔掩實自己個口，點解我唔快快口口吞左佢
一念天堂，一念地獄
四眼妹，對唔住呀...


我嘔晒你既心血




我望住地下既燒賣，魚蛋，雞扒蓉...
小食部阿姐唔會心痛，魚蛋佬唔會揼心口，老母唔會怪我
但四眼妹......




「佢嘔呀!」眾人異口同聲
你班仆街終於識出聲喇咩






「係咪...係咪我整得唔好食呀?」四眼妹驚驚青青咁問


正當我想答佢之際


「屌!」
好撚大條斷尾四腳蛇係d食物蓉度爬呀!!
即係話我食到果條係四腳蛇.....





「呀!!」我下意識一野掉走件飯團
無諗過方向，無諗過力度...



「拍」一聲狠狠打中四眼妹


眼鏡隨即跌落地下
「乒」一聲兩塊玻璃鏡片碎左


我唔只嘔左佢既心意，仲打爆埋佢眼鏡
我...我仲係人咩...