落街打羽毛球慘被活力阿婆扣殺，心情好低落: 2

果年我參加學界比賽，就係決賽當日，比條四腳蛇害到雞毛鴨血
其實我一直有個外號叫做「羽毛冰火佬」
場外，我文靜無比，屬冰
場內，我熱血扣殺，屬火
帶隊老師話我跳起扣殺時，背脊就好似有對翼咁，手起拍落，又得分!
所以憑住我既天資，我由初賽打到決賽前都係輕輕鬆鬆收工

決賽當日，我校好多師生都黎左同我打氣，我拖友都有黎，佢係一個典型讀書叻既四眼妹
而今次既對手係一個我從未交過手既外援轉校生，聽講係對校專登請返黎對付我
我望一望熱身中既佢，係一個健壯既黑人青年，但身手比身材小巧既人更敏捷，技術都唔錯





係，佢狀態的確好fit，但絕對唔係我對手

「加油呀!!」我女朋友係觀眾席大聲為我打氣
好快，比賽開始，佢先開波

「開波!」
「我扣殺!」
「我擋!」
「我扣殺!」




「我擋!」
「我扣殺!」
「我擋!」

同佢短兵相接左幾招，招招都係我強力進攻

「你覺得你接得到我咁多扣咩?我扣殺!!!」
「我....擋!!!!!!!!!!!!!!!!!!!!」







從佢既震音已經知道佢開始有疲態