可能是史上第一個上位做球皇的香港人: 6

翌日，我一大早，中午十二點就去到酒店蹭飯。雖然我的工作時間是下午四半至八半，但是酒店的自助午餐哪有不吃的道理呢？雖然，只是四星酒店。 

唉……一個字：蝕！兩個字：失策！ 

當我一早在酒店出現，基斯好像包公上身，玄壇般的面口，英文應該叫這種做fuck face，譯作中文應是「屌面」。

但我能理解，因為酒店經理很不高興地捉著基斯問長問短，不滿他提供的名單沒有我的名字。

雖然基斯很也不滿，但當我挖著鼻屎，賴皮地跟他說「唔比我食我就一路到今晚都唔食～呠～」他也只好硬著頭皮向酒店經理解釋是名單有錯漏，說我也是球員。 





而列加則非常高興，追著我，跟我熱情講解球隊今晚的戰術。老實說，球隊只有十三人名單，連調動都有困難，何來太多的戰術可言。

但看在他的熱情份上，我不忍心說出這個殘酷的事實，只好把這些話和龍蝦、三文魚、北寄貝等海鮮吞回肚子裡消化掉，繼續讓列加追著我不停講解。 

「咕嚕～教練，其實你可以問本地球會借人，我相信佢地一定好樂意加入黑池踢呢兩場友誼賽。」喝了一口橙汁，我問了一個我想問很久的問題。 

「我唔想咁。」列加聞言後一臉堅定地否決了我的提議。 

「願聞其詳。」說罷，我又吞了兩隻青口。

「我地無太多時間剩。打完呢兩場比賽之後，我地只係得番兩場熱身賽就要踢英冠既開咧戰。如你所見，我地呢隊波已經因為老板唔投資而放棄續約好多球員，留番低既唔係岩岩升上黎既青年軍，就係上季既大後備。就算係今季新簽番黎既沙治.辛祖夫，都係唔使錢簽番黎既。默契可以話好差。基本上大家都唔熟大家踢法，我就係想靠呢幾場熱身賽盡快加強令球員之間既默契。如果再加入一啲外人，咁呢幾場熱身賽根本就無意義，所以我寧願少人都唔想加入外人打亂默契。」 

列加不需思量，說來鏗鏘有力，顯然早有想法，有計劃。 

嗯，是一個有心搞好球隊的教練，看來黑池這隊窮鬼還未死絕。 

但是…… 

「咁點解搵我？」聽罷，我又說出另一個疑慮。 





「係個意外，前日練波個陣，波比受傷，我唔想佢夾硬頂上，又想係個一課操練盡量比所有人熱身，咁咪搵左你黎湊人數。」 

他頓一頓，喝一口水，續道。 

「但係估唔到你咁好波，而且同沙治.辛祖夫咁合拍，搞到我係到好認真咁考慮緊簽唔簽你好。」列加輕輕一笑。 

「簽我？哈。」我也微微一笑，對他的說話不以為然。 

「我係認真，我真係打算簽你。」列加笑著說，但他的眼神告訴我，他是認真的。 

雖然眼神很ＧＡＹ。 

「我又唔係十八九歲，又唔係職業球員，連一場職業比賽都未踢過，你何必晒錢簽我呢？」 
「五個幾鐘頭之後，你咪會踢第一場職業比賽囉。」列加反笑著說。 





「再者，你既技術、意識，同職業足球員比根本不落下風，更加同沙治.辛祖夫有天生既默契，咁點解我唔簽你？」列加攤開雙手反問

「我？得咩？」 
「你問你自己，你踢左幾耐波？你既技術唔係一朝一夕既事，你既意識除左係天生之外，更加係睇過無數既比賽或者經歷大量實戰而得番黎。幾時入楔禁區，幾時上，幾時落，幾時逼，幾時落腳，你都我係練習到睇得好清楚。」 
「練習姐。」 
「咁咪五點幾鐘之後，正正式式踢出黎睇下囉。」 

「任何野你都可以無信，但唔好對你流過既汗水咁無信心。」列加拍一拍我的肩膊。 

我含著一口甜蝦，咀嚼列加所講的說話。 

的確，十幾年來，我在球場上自我苦練技術，在每場街波戰中，走位、傳送、射門的意識，深深注入我的骨髓。

老老柒柒，自我懂性以來，除了撩女仔，唯一一樣的興趣就是足球。

啊，對了，還有賺錢。

但賺錢和撩女仔，可以歸咎於我身體內的荷爾蒙激發起人類的本能欲望而作出的洩慾行為。

足球不同，踢足球是我唯一一種全情投入，卻沒有發洩本能慾望功能的行為。 

或許，這就是對足球的愛。 















ＯＫ，我知道，太肉麻啦！