今日去代課飛左隻麻雀入課室，出左好大件事: 9

成個會議最不解之一就係呢個問題
「點解係西?」我地都異口同聲再問


但校長唔回應，只係繼續講
「你地唔需要知，你地要照我既吩咐去做」

佢指住其餘果幾位老師
「一陣你地去禮堂用膠紙封果所有窗，等我開咪宣佈你地就返自己班帶所有學生去禮堂」






我即刻問 :「咁我呢?」

突然，佢隨手係褲袋拎左個免提電話耳筒比我
「呢個係我既私家耳筒，你插落手機，一陣帶住佢聽我指示」


「好!」跟住我地就分頭行事。







過左十五分鐘..
「請所有班現在去禮堂集會」校長開始宣佈



「遺憾我當時年紀不....」
我既電話響起，係陳奕迅既鈴聲

「喂」我接左電話








「你識唔識黃子華?」校長即刻問
我諗都唔諗 : 「識」



「你而家入禮堂上台準備」

「準備咩呀?」









「棟篤笑!」




唔係掛，我上台做棟篤笑?會唔會太過傖促呀!



我都仲未來得及回應，耳筒就繼續發聲
「無時間比你諗，一陣我會支援你，幫你諗GAG」

「我....我....」我好緊張，唔知點回應







突然，校長講左句我覺得好有說服力既說話
「最緊要保持住氣氛到午餐時間，唔好比班學生擔心!」

好，校長，我幫你