今日去代課飛左隻麻雀入課室，出左好大件事: 7

已經有一班學生失左控，連工友都嚇親
校長到底種左D咩禍根!


我提議 : 「不如通知左家長接走晒D學生先」

工友慌張 :「隻麻雀講中文架，報警啦!!」

「唔通知得!唔報得!件事一出左街，我地隨時殺校呀!」校長好堅持。







校長繼續吩咐 :「我已經封左呢間課室既窗，工友你同班學生入去坐住先，鎖實門!」
工友震驚 :「唔得架，封晒門窗，入去會焗死架!」













「用口呼吸。」校長淡然




我開始緊張，我問校長 :「咁我呢?」
校長 :「跟我入校長室開會先講」







我唔知應該點做，係行去校長室既路上，我未有發現任何麻雀...
入到校長室，我見到幾個教職員已經坐低左..






佢地唔係坐櫈，佢地坐左係地下圍左個圈..
好似D學生旅行野餐咁






校長二話不說坐埋落去，班老師好有默契咁配合，留空左一個FIT晒校長身材既空間
如果無成日夾開，根本唔會有呢種默契!


校長向我招手 :「過埋黎坐」
我都唔敢抬慢，即刻向佢地個圓圈前進


果然佢地好有經驗，即刻互相配合，褪出一個最適合既空間比我
估唔到佢地褪位已經褪到出神入化，希望一陣會議順利!