今日去代課飛左隻麻雀入課室，出左好大件事: 3

我覺得果個學生係應該攞諾貝爾和平獎
佢只係講左一句，一句就擺平左兩幫既恩怨...
我好想請佢食兜魚蛋加朱奶多謝佢!!


但係，我知和平係短暫既，隻麻雀一叫，總會有一邊全軍覆邊
我知道，佢已經幫我左我好多，呢個時候係我出場喇!!
我扮聲 :「無論一陣隻麻雀點叫都好，唔代表隻隻麻雀都係咁叫架」






我同班學生一齊集中精神望住地下隻麻雀，等佢揭曉最後答案





我地企左係原地五分鐘，完全唔敢郁，眼都唔斬...
好多學生對眼已經充滿血絲，我地都好驚隻麻雀叫左但我地聽唔到
又好驚佢未開估就走左..







「乞嚏!」

隻麻雀聽到「乞嚏」一聲就拍翼向邊窗飛走!


邊個呀!!邊個呀!!隻麻雀唔走得架!!!打乞嚏果個我祝你日日打一百個!!
唔得呀!!唔可以比佢走架!!






「你今日唔叫清楚唔洗旨意走呀!!」我用盡全力跑去窗邊起跳。


我伸盡手指，呀!!!只係摸到麻雀既腳指甲...
同時我個人已經飛左出窗...