今日去代課飛左隻麻雀入課室，出左好大件事: 1

我教院畢業都有幾個月，今日終於有得代課喇!

間學校起係新界區一個舊屋村，第一日返學唔想搵路，我就一早起身坐的士
點知落車仲要行幾分鐘路，好在見到D學生都係咁行，而且D空氣好清新
突然有隻麻雀係我頭頂好快咁飛過，仲怪叫左一聲
踏入校園，校長安排我代小一既常識課，我既教育事業正式開始!


CHECK完個教學進度表，我發現常識要教既野都幾遙遠





我扮低能聲問:「你地知唔知獅子係點叫架?」
成班學生一個二個係度「嘩!」「嘩!」「嘩!」
有幾個醒D既男同學仲對佢身邊既女同學出埋獅爪
扮得好神似


我望住佢地微笑，用更低能既聲讚佢地 :「好叻WOR」
我諗，其實獅子點叫關你班友咩事..

我合埋本教科書，決定唔跟教材，我教你地香港有既動物點叫好過啦




我奸笑一聲，問 :「咁狗點叫呀?」
「汪!」「汪!」「汪!」「汪!」「汪!」「汪!」「汪!」「汪!」
好爽，成班傻仔!傻仔呀!

我諗起今朝隻麻雀 :「咁麻雀呢?」
答案好明顯係「吱!」「吱!」「吱!」「吱!」「吱!」



但突然..





有一半學生大嗌「西!」「西!」「西!」「西!」「西!」「西!」「西!」「西!」
「西!」「西!」「西!」「西!」「西!」「西!」「西!」

我開始聽到佢地起哄

「你錯喇!麻雀係吱吱聲咁叫架，唔信你問先生」
「咩呀，我今朝明明聽到麻雀係西西聲架..」
「係吱吱吱吱呀!」
「係西西聲呀!」
「都話係吱吱聲呀!!!老師，到底係咩呀?」

我唔知點反應，我點答你地好呀...

有個學生仲唔憤氣到喊左出黎 :「明明..明明係西西聲!!!係西西聲呀!!!!!仆街!!」






屌!情況已經唔受控制，最慘唔係得一個學生話麻雀係西西聲咁叫
我幫邊邊都死，我應該點做!!!