人海中遇見你: (3)

到了我要升中學的時候，我本來打算去讀呀熙的那間中學的，但他讀的是男校，所以就沒有辦法。 

但我為了可以經常可以看到呀熙，所以我就選了一間在呀熙旁邊的中學。 

"咦！你果間中學係我學校附近炸喎。" 呀熙喜悅的說。 

"係呀！我本來唔係揀呢間架，但係佢派位派左呢間俾我。" 我裝作不在乎地一邊吃著呀熙為我煮的麵一邊回答他。 

"咁以後我地咪可以一齊返學放學囉！" 呀熙單一單眼對著我說。 





"係就係，不過會唔會麻煩到你呀？" 我有點不好意思的說。 

"傻架你！點會麻煩到呀，我同你一齊好開心架。" 

好開心？究竟是什麼意思？是不是他也喜歡我呢？才會說和我在一起好開心，我真的好想知道答案，但我沒有勇氣問...... 

"喂！做咩係到發呆呀？不如陣間我陪你去買埋校服啦！" 我都還沒有答應，他就已經換好衣服了。 

"我都冇得say no啦！你都換好哂衫啦！" 我瞪著他說。 





他傻傻地看著自己已換好的衣服說："哈...係架！你冇得say no架，快啲去換衫啦！" 

接著我們去到長沙灣一間專買校服的一間店鋪裹試衣服。 

"試完未呀？行出黎睇下岩唔岩身？" 呀熙敲一敲試身室的門說。 

"岩...岩呀…" 我走出試身室尷尬的說，因為我的校服是白色的連身裙，而我剛好穿著一個桃紅色的胸圍，所以我的身材和內衣都被呀熙全部看光。 

"好啦！你快啲入返去換衫啦。"呀熙的臉因害羞而紅的像一個蕃茄一樣。 





可能因為剛才的事，所以我們兩個都沒有出聲。 

"不如去食飯囉？"呀熙說了一句話來打破尷尬氣氛。 

"好呀！食米線。"  

在我們吃的過程，呀熙不停地偷偷地看著我笑。 

"你做咩係咁望住我笑呀？係唔係我塊面污漕左咩？"我一邊擦的臉一邊說。 

"唔係呀，只不過見到你食到好似個小朋友咁覺得好笑囉。"呀熙拍一拍我的頭。 

我把他的手拿開："我唔係小朋友呀！以後亦都唔好叫我小朋友。" 

"係喇！對唔住囉，小...朋...友..." 呀熙故意加重語氣地讀"小朋友"這三個字，然後就捧腹大笑。 





我對呀熙"哼"了一聲就再沒有理會他。 

隔了一會，我們就回家去。 

呀熙臨走前捏一捏我的臉："對唔住呀！唔好嬲我啦！你全程冇睬過我呀！"

"你想我唔嬲你都得，應承我俾一個願望我。" 我裝作生氣地說。 

"好！好！好！只要你唔嬲我，我咩都應承你。" 

"但我而家仲未諗到要咩願望，等我諗到先話你知。" 我得瑟地說。 

"咁好啦！聽日見。" 





就是這樣，我就騙到他一個願望。 

我在洗澡的時候一直想到底要什麼願望好。

"叫佢同我拍拖？唔得，好似過份左啲。叫佢以後聽哂我話？但咁樣又好似太野蠻。呀！！！唔理喇，到時先算啦!"