夢中的蘇珊娜: 第一章

第一章

我係陳立臣，多左朋友之後個個都叫我呀臣，包括學校既Miss呀蛇。

但係宜家我重係叫陳立臣，因為我宜家係中學重未有朋友。

小學個時我都係叫呀臣，但升中之後各散東西，只有幾個小學同學同我一齊升左想宜家間中學，但個個都吾同班，所以自自然然無左contact。升中前以為可以keep到contact，但下一次見面以經係中學畢業後既事，以後有機會再講。
我讀既係1C班，班上面個個人我都吾認識，頂多知叫咩名。

我地ED岩岩升中學既小學雞(當年重未有小學雞E個字)，一定係有班主任安排坐位。





可能有D人都知，班主任好鍾意安排D壞學生坐係D乖學生格離。希望D好學生會幫助下D壞學生，教返好仍地。

但我地第一年係道返學，老師無理由知我地乖吾乖嫁，吾通真係有樣睇既？？

坐我格離既係一個女仔(梗係啦！！吾係我寫黎做乜＿呀!!)，個樣一睇就知乖學生一名。

無錯佢就係蘇珊娜，英文名Susanna，束一條馬尾，樣子可愛，個子不高(當時自己都吾係高，所以我都係高佢小小，但由於我中3開始不斷發肉，呀吾係，係育，中5高佢起碼個半頭，因為佢係初中就停止左發育..比佢聽到應該又會比佢打，係真係用力咁打!!)

我係一個吾識得同人溝通既人，可能因為我係獨子，成日都自己一個人，朋友又吾多，所以吾識點同人打開話題)





就係吾知開學後既邊日，轉堂個時佢無啦啦問我。

她：「係呢，坐左係你格離咁多日都吾知你叫咩名tim。」佢既把聲都幾響，但吾係大聲個隻，語氣中重帶點溫柔。
個時我心諗日日點名班主任都叫我個名，係你無留意姐。不過宜家諗返，吾留意都正常既。

我：「我叫陳立臣，你呢？？」其實自己都留意佢叫咩名，重好意思話人...

她：「我叫蘇珊娜，你可以叫我Susanna。」
Susanna，我都係第一次聽到E個英文名，小學雞見識小，無計..





我：「你好呀Susanna..」

之後大家靜左
。
。
。
你眼望我眼，望住對方。

之後佢對住我笑左一笑就望返自己枱，做返自己野。

無耐下一堂既老師就行左入黎，我地第一次既對話就咁就完左。
其實個時無乜特別感覺，只係終於知道格離個女仔叫咩名。起碼叫聲早晨都都知人地叫乜名。