是咁的，表妹放假落來香港......: 第二章
我屋企人同舅母係度飲茶，食依樣食嗰樣，不過我完全冇性趣。因為我掛住睇我表妹已經冇胃口。
但我當然係一路打機一路目及表妹啦，比人識穿就唔好了。食完嘢之後老豆老媽同舅母就翻咗屋企話累，而表妹就話想買部MP3，所以叫我帶佢去買。我發覺我哋附近都冇乜電器鋪，就算有都冇得買MP3。我心感無奈" 乜依家仲有人會用MP3㗎？ "之後就同佢一齊搵。
後來，我記起咗一個地方，黃金電腦中心。嗯，一定有。之後就繼續搵，本身我諗住分頭搵嘅，但係我又發現佢冇香港嘅電話卡......算啦，咁就一齊行啦。
黃金電腦中心係有兩層嘅，我哋就去咗上層先，之後再去下層。搵到6點幾終於搵到，買完之後佢話好肚餓，咁我哋就去咗間叫喜喜喜喜嘅小食店買嘢食，啲魚蛋汁好正，我好鍾意食。我買咗大碗嘅同表妹分，不過當然用兩支竹籤啦。原來佢真係好鍾意食小食同零食。其實係咪女仔都係咁呢？之後去到零食店，佢又買咗一大堆紫菜，我就買咗朱古力。我問佢" 你...你食唔食朱古力？ "但係佢話" 唔喇，怕肥吖 "。我心諗" 咁你嗰一大堆係咩黎㗎？
買完嘢食之後，當然係搭地鐵翻我屋企啦，因為佢係我屋企暫住幾日。幫佢買完飛，就往九龍塘方向行去。由於佢雙手都用黎玩電話，所以佢冇捉住扶手。依個時候，架車突然間停咗，佢理所當然地失去平衡，咁我見到，就緊係狗衝上去扶住佢，直到架車停定我先至放手。佢冇因為我掂到佢而驚慌，反而臉紅紅咁同我講唔該。我應佢" 嗯 "，因為佢突然彈出咁嘅樣，搞到我勁尷尬。之後翻到屋企之前我都冇同佢講過一句嘢，除咗" 冇散紙點搭小巴呀？我冇八達通呀，表哥！ "