黑與白的相戀: 3.冰冷的心可以打開嗎?

鈴​鈴​鈴​鈴​鈴​鈴​鈴​鈴​鈴​~
尋晚為左諗辨法可以同雪兒傾計
搞到1點先訓,因為我本身唔係夜貓,平時就10:00準時上床
所以今日起身個頭就重到不得了,感覺好似斷晒片......
刷牙,換衫,Set頭,差少少唔記得帯個D紙
番到學校,聽完豬校長一大堆廢up
終於可以上課室,第一堂係聖經堂
神説打了左邊面就要打埋右邊面............
我將精心設計既紙寫好對話推向隔離雪兒張枱
點解話係精心設計?因為張紙俾我畫成同Facebook messenger幾乎一模一様既對話介面




以下為對話内容
我:方同學,如果妳係驚俾老師話妳上堂傾計而晤講野,我地可以用紙交流,我只係想同妳打好同學關係,冇其他諗法 
張纸推左去佢既枱面後,佢望左一眼,之後佢望住左我
我地既眼神瞬間連上,大大的雙眼皮眼睛,真係好靚
如果肯笑,一定可以迷倒眾生
但現在只係得一對雙眼望住我,眼神好空洞
但我察覺到佢面上極微小既變化,佢既嘴唇郁左一下,好似想笑,但又好快變番原本個様
突然發覺自己又望住雪兒望到入哂神,於是即係望番本聖經
而果張Facebook messenger對話紙就一直都係佢張枱,直至放學,佢都冇再望一眼
叮噹叮​噹叮​噹叮​噹叮~​噹​~




唉~又係得個吉,最後都係已讀但唔覆...........
雪兒第一時間就走左,於是我打算拎番張對話紙
依~?對話紙呢?佢枱面冇,再望下佢櫃桶都冇?!唔通.......係垃圾桶?都冇......
唔通.......佢拎走左,會唔會係感啊~
當我企係到成個福山雅治既時候,見到阿鴻同琪琪手拖手行出課室
阿鴻臨走前同我回眸一笑
好似笑我:我溝到啦,你呢?
我係心裏面講左一句WTF
番到屋企,我唔理時間係到畫對話紙,畫到2點先訓.........
唔放棄或者是我浪子的倔強




下集冰冷的心會因為炭而變得温暖嗎?
下回分解