唔小心食咗亞仔嘅女朋友: 六

(六)社工

「Ruby…我哋行樓梯落去三層啦…好快姐…係呢…其實我都上個你屋企幾次…不過次次都係冇人…估唔到原來你咁委屈，對唔住呀…我作為你男朋友就咩嘢都幫唔到手…你唔會怪我嘛？」

「希，我點會怪你…係我冇講你知我屋企D事姐，因為我唔想你為咗我D事擔心…」

「傻瓜…你係我女朋友嚟㗎，我唔擔心你？我擔心邊個？」

「希…」





「呢…到啦…咦…你屋企門口好似有個男人喎…」

「希…快D走…我唔想見到佢……」

「佢好似發現咗我哋啦…」

「子怡…方子怡…係咪係呀？」

「佢叫你個名喎…識得㗎？咪住先…唔通佢就係…？」





「希…走呀！…我唔想見佢呀……」

「真係個衰人…哼！Ruby你放心…有我係度冇人可以蝦到你…」

「希…唔好行埋去呀…」

「你就係鄒永恆？」

「係呀！你好…你一定係子怡話你知啦…哈…」





「知你老母！人渣！」

「希…唔好打人呀…」

鄒永恆全無防範之下被信希一拳打中塊面跌咗落地下，而佢啱啱渣住個7仔袋裡面D嘢就跌哂出嚟…

「哇…屌！你個死變態佬…成地都係避孕袋…？」

「哦…你誤會啦…其實…」

「你好走啦…唔係我報警㗎啦…」

「唔係呀…其實今日係我哋中心有個關懷愛滋行動，一陣做完子怡家訪…」

「你老母仲咁多嘢講…好走啦你…」





「咩事呀？出面咁嘈嘅？」

「方太…你出嚟就啱啦…唔該你幫我解釋吓…」

「解釋？真係好笑…你估你兩個狗男女互相扯貓尾就冇事？」

「希…唔好再嘈啦…我哋走啦…」

「之但係…」

「好…你唔走！我自己走…」

「喂!Ruby…Ruby…你等埋我呀…」





「怡…係咪你返咗嚟？」

「方太…係呀！係方子怡呀…」

「希…我哋走！」

「囡…亞囡呀…」

「Ruby…你唔好喊啦…D衰人唔值得你咁傷心㗎…」

「希…點解你頭先咁衝動打人呀…」

「對唔住呀！頭先我真係忍唔住…」

「仔…你哋咁快返嚟嘅？咪住先…點解你哋空手FingFing嘅？」





「老豆，唔好提啦…我地頭先居然撞到佢哋…你估個仆街社工攞住D乜？個變態佬居然攞住成打避孕套上Ruby屋企…如果唔係Ruby拉住我…我實打柒個仆街…」

「希…你仲話打人！如果頭先佢真係報警，我哋就好麻煩㗎…你明唔明我唔想我屋企D醜事傳到通街通巷呀！…」

「對唔住呀…Ruby…我冇諗過呢點…」

「鈴…鈴鈴…」

「子怡，好似你電話響…J

「Ruby…係你媽咪揾你…」

「我知…」





「喂……你唔好再講啦…我唔會返嚟！………」

「哈！多謝你關心…不過我識照顧我自己…唔洗你咁好心…」

「總之你唔使搵我…係咁啦！！」

「………」

「子怡…係呢…我己經拾好D床單㗎啦…衰仔你就瞓我個位我…係呀…子怡,亞妹嗰邊有D新衫新褲…等佢返嚟你再問佢啦…」

「Uncle…真係麻煩哂…」

「客乜鬼氣…」

(砰…)大門關門聲…

「爸，哥…我返嚟啦…呢位係？」

「方子怡，Ruby…你大哥我嘅女朋友！」

「囡，你返嚟就啱啦…亞爸有D嘢同你講……」

「咩事呀？…」

「簡單嚟講…你亞哥女朋友暫時會係度住住先…」

「吓？點解嘅？」

「子怡…屋企唔多安全…詳細等你亞媽返嚟先講…係呀，囡，你咪有D新衫新褲？借住俾子怡先…」

「哦…冇問題…子怡？我叫信晴呀…嚟…你跟我入房…」

(砰…)關房門聲…

「仔…你過嚟幫幫手洗碗…」

「哦…」

「你頭先打咗個社工…？」

「衰一時衝動…」

「老豆明白嘅，我都經歷過你嘅階段…如果係我，我都會咁樣做…保護自己鐘意嘅人係我哋男人應該做嘅事…」

「老豆，多謝你！」

「不過亞仔你記住！女人最鐘意唔係喺佢哋面前呈乜嘢英雄，話之你一個打十個！佢地最渴望嘅係我哋真正咁關心佢，唔係用把口，而係真真正正用個心去理解佢哋嘅感受…」

「老豆，收到啦！」

「仔，最後一句…有D事千奇唔好單方面信晒一面！要客觀咁多方面去諗同分析…咁先係最正確嘅做法！」

「老豆，即係點呀？你覺得Ruby講大話？」

「唔係…我冇話佢講大話！如果你想知道全部事實…我覺得係要自己去查根究底…」

「吓？」

「講你都唔明㗎啦…你份人咁衝動…」

「係呢…佔領中環開始咗囉…你冇去示威咩？」

「有呀！我約咗班同學聽日放咗學就去！Ruby都一齊…」

「好…老豆實支持你哋…呢家香港真係變晒…！用你哋嘅方法表現訴求啦……爭取屬於我哋嘅野！不過仔…記住萬事小心…」

「放心啦…我哋係和平示威…」

(開房門聲…)

「哥…我今晚開始同Ruby一齊瞓…你同亞爸瞓返同一間房唔駛郁…我頭先打咗俾媽咪…佢話佢瞓廳得啦喎…」