唔小心食咗亞仔嘅女朋友: 一

(一)孤寂的退休男

我係邊嗰？我咪係呢個世界上可有可冇嘅普通人囉！哦！唔好意思，唔記得介紹自己添…我叫亞豪，好多人都叫我做豪叔！不過呢家應該叫我做廢柴！我老婆都係咁叫我架！點解？因為我己經係一把年紀嘅亞伯，五年前已經退咗休，呢家靠近份六十萬嘅退休金慢慢洗，哇！頂你！退休先五年，今日去銀行打簿原來剩返唔夠四十萬…

五年退休生活就咁唔見咗二十萬，就算十年通脹不變，加上我盡量慳住使，我諗我都係唔夠使！因為我仲有一個老婆再加上一對仔女要養…

今日啱啱係我六十四歲的生日，換言之我過多一年先夠資格問政府攞每個月嘅二千幾蚊生果金…而我地一家四口就住係唔夠三百呎嘅公屋單位…

當然你唔好其望可以間到一人一間房，多年嚟都係我哋兩公婆一間，大仔同细女一間房。但係呢家仔女都開始大，一個十六歲，一個十四歲…新聞都睇得多，慎防有咩意外發生，所以係三年前就變咗我同亞仔上下碌架床瞓一間房，而老婆就同我個細囡瞓一張六尺床嘅一間房…





「咁落去唔係辦法！都係拿拿淋搵返份工先得！不過我都一大把年紀，邊個咁笨實請我呢？」

「老豆！仲乜晨早流流係梳化度發呆呀？仲有你今日仲乜唔叫醒我嘅？好彩我今朝可以起到身…仲有…仲有呀！我唔食早餐啦…我約左人出去食呀！你叫亞妹或者邊個都好…幫我手食埋佢…係咁先，我趕時間呀…」亞仔一輪嘴咁講。

「仔呀！你又唔早D講…哎呀…你…」我都未講完，亞仔就係咁砰一聲生埋左大門出左去…

「你話生仔啦…你話生仔啦…唉！」

「老嘢！晨早流流又發乜嘢嚕囌呀？」





「冇…衰仔九成九約咗女仔食早餐…」

「佢都咁大個啦…有分寸架啦…不過你呢家咁得閒，唔該你教吓佢性教育啦…唔係一陣你好快做人亞爺啦…」

「唔係掛？衰婆！我心血少…你咪鬼嚇我啦！」

「嚇你？新聞都有唔少啦…你咪到時有事先嚟後悔！」

「喂！咁你又唔教？」





「教？我有時間咩？得閒不如揾多兩個錢好過啦…嗱！我呢家又趕住去茶餐廳幫人洗碗啦…唔通真係靠你個份退休金生活咩！」

「Okay，You win！」

「喂…你地嘈乜呀？兩個加埋一百幾十歲啦…好心你地啦！」細囡瞓唔醒咁講。

「冇呀！亞媽冇同佢嘈呀…係你老豆依依哦哦鬼食泥咋…」

「我趕時間唔食早餐啦…」

「囡，你又係咁？你約左邊個呀？」

「同學囉！煩…係咁先啦…」講完又砰一聲生咗度大門出咗去。

「做人老母得閒同人溝通吓！如果唔係到你做人婆婆啦…」





「死佬！我都費事同你講！」

砰一聲大門再次關上，就係咁，今日我食咗人生第一次四個人份量嘅早餐…

「仆街…飽到上心口！唉……」

話咁快又到下晝四點半…

「老豆，我返嚟啦…」

「仔，今日做咩咁早嘅？」

(唔通個衰仔記得我今日生日？呵呵…)





「冇呀，今日見有D攰咪早D返嚟囉…係呢！我又D肚餓…」

「咁老豆呢家煮個餐蛋麵過你食啦…要唔要腸仔？」

(兩手Fing Fing，蛋糕都冇個…唔好妄想個衰仔會記得…唉！)

「好呀！唔該老豆！咁食得叫我啦…我入房抖吓先…」

我這時正準備為個孝順仔煮個腸仔餐蛋麵，突然屋企部電話響起…

「鈴…鈴鈴…」

「喂…揾邊位？」

「唔該葉信希…」





(來電係一把靚妹聲，唔通係今朝約亞仔食早餐嗰個？)

「哦…你等等…」

「好啦！唔該…」

「仔，你有女同學仔揾你啦…」

我敲一敲房門，發現信希居然話瞓就瞓…

「唔好意思…信希佢瞓咗覺…一係佢醒咗我叫佢覆你…係呢…你點稱呼？」

「好啦…唔該世伯，我叫Ruby呀…葉信希醒咗麻煩叫佢揾返我啦…byebye…」





「哦…冇問題！byebye…」

(Ruby？唔知點解我覺得叫親Ruby嘅都係淫底…希望呢個唔係啦…)

同一時間，這時有人用鎖匙開屋企大門，原來係亞囡…

「哇…你兩兄妹今日咁早嘅？平時冇八，九點都唔返嚟㗎？」

(又係兩手Fing Fing，睇嚟冇人記得我今日生日囉…唔通我真係要好似D高登仔上網乞句生日快樂…唉！)

「係你老婆千吩咐萬吩咐叫我同亞哥今日一放學就即刻返嚟，老豆你唔係唔知吓？」

「吓？有D咁嘅事？我真係唔知呀…」

「衰佬！你地兩個唔好阻住個門口先啦…」

「哇…做乜咁人齊？連老婆你都返埋嚟？你唔係返緊工咩？」

「死佬！今日你六十有四大壽呀！你咪扮嘢啦…方死唔係驚我地唔記得你生日咩！借開啦…個生日蛋糕溶啦…」

「信晴，你大佬呢？」

「唔知呀…」

「佢係房瞓咗覺…」

「信晴，入房叫醒你亞哥啦…你地亞爸今日生日！快D啦…我只係請咗兩個鐘頭假咋」