[有甜]故事發生係2012年，我叫林燁磊。: 第五章

"你想唔想食糖水? 不如一齊?"佢問我。係個一刻，其實我已經甜到飲屈人寺蒸餾水都有甜味，不過法官大人問到，我去。
 
每次食糖水我最期待既，都係等位。等位的確係令人企到腳軟再講多無數次粗口同埋問N咁多次有位未，之不過如果你身邊既係一個你心儀既女士，有中上既外表，小小身材，甜美既笑容既時候，一眾旁人艷羨既目光同埋兩個人之間既有講有笑絕對係值得你去祈求上天你前面個二十張飛全部都係曬到等，冇人行開左。
 
一餐糖水入面我得到三樣野，一係佢電話號碼，二係一張同佢既合照，三係三十分鐘美麗回憶。
 
一直都覺得禮貌上一個男士係應該送一位同行既女士返屋企。因為呢個理由，加上佢同我住既地方只係隔左兩個地鐵站，所以我送左佢返屋企。全晚用一個微笑結束，結束左我一個美好既週末。
 
又到左星期一，一般黎講最唔想離開張床既一個早上，明顯今日有d改變，而答案當然係因為佢。
 




緣份永遠唔到我地去控制，而往往帶俾我地一次又一次既驚喜，係，我係地鐵撞到佢。
 
"Hi~又見到你喇陰功" 我上前。
"有冇咁岩呀真係?!"佢依舊露出一個甜美既微笑。
"係囉又真係好岩呀可, 哈哈" 其實諗唔到講咩唯有咁答佢
"今日要上PE呀, 真係勁想扮病算" 典型女學生所為
"你第幾堂PE呀? 最多我好人D去下toilet等你有得見下我囉~!" 個一刻自信心唔知點解直線上升
"咪Recess前兩堂囉, 做咩咁想見我呀你?"
"車邊個想見邊個呀而家! 唔鐘意既落車囉你"
"恰我啦而家~!!!我唔理你架!"




講完呢句，我同佢相視而笑。我笑係因為心入面好甜，佢笑咩？我唔知，就當係同我一樣啦。
 
我諗係個一刻，身邊既每一個都覺得我地係一對熱戀緊既情侶，個種中學時期先會搵到既甜蜜，真係好似粵語殘片所講，＂現時大了那種心跳難重演，極燦爛時光一去難再遇上一次＂。