學堂沒有教我的東西: 學堂沒有教我的東西 38 對壘

學堂沒有教我的東西   38   對壘         拳擊上既刺拳, 有佯攻, 試探既作用, 好處係快速, 點到即止, 一見對方閃避, 可轉刺拳再次試探, 或轉手直拳出擊, 用得純熟, 配合直拳, 兩三下就可打開進攻面. 對方既刺拳埋身, 我並無左閃右避, 只係輕巧地保持進攻距離. 黑衣男見我並無左右閃避, 加緊踏上一步, 又加一個刺拳. 我仍然又退一步. 再次保持距離. 就係甘, 佢進, 我退, 轉眼已經八,九步. 黑衣男同我既距離, 始終保持住一米半外, 我除左後退左九步外, 一無動作. 相反, 黑衣男除左刺拳, 仲要不停調節自己既重心, 加上小跳步. 雖然只係九步, 但佢既體力消耗將會係我既十倍! 如果上天要係呢場打鬥上加一個期限, 我希望係一萬年..... 到第十步, 黑衣男終於都忍吾住, 擂台上既規矩令到呢場打鬥一開始就企係不公平既位置上,  打擂台既人缺乏既就係耐性, 呢個係賽制問題, 每回合3分鐘, 盡可能係3分鐘消耗對手係必然既事實 可惜, 潛移默化下身體亦會適應該種賽制, 身體亦會作出相應既行為去支持呢3分鐘既消耗, 情況就好似係游蛙式, 當你習慣左每完成一手一腳既動作你都會上水吸氣, 到你習慣左既時候, 將上水吸氣個一刻, 突然比人禁住係水底, 而我等既, 就係對手回氣既一下.... 果然, 去到第15個刺拳, 黑衣男並無再繼續第16個, 而係將佢既膊頭輕輕拉後, 而呢一個, 就係對手既回氣動作, 亦即係我反攻既最好時機.... 隨住黑衣男膊頭回縮既一下, 我不退反進, 一個踐步， 我已經進入對方既一尺範圍內， 黑衣男既反應都好快， 一見我拉近距離， 下意識就舉手護頭做出防護姿態。 對方手剛舉起， 我既一拳一膝加腳尖，已經攻到，黑衣男剛擋住頭部加心口， 我腳尖已經踢中小腹， 猴形出手， 必見奇功。 十二型中既猴形， 有縱身跳澗飛身之靈，恍閃變化不測之巧。 黑衣男雖然小腹中招， 臨敵應變不可謂不快， 借小腹受力既一下， 再後小跳一步， 卸去來力。 辛苦待既時機， 當然吾會白白浪費， 左腳尖一擊得手， 順腳落地， 一扭胯， 前腳為重心，後腳再次向前彈出， 一個踐步， 再次撞入黑衣男懷中， 黑衣男眉頭鄒， 將身體一縮， 防守更加嚴密，準備再迎接我既攻勢。 我見對方一採守勢， 知道正面撞擊對佢影嚮不大， 所以，將撞向對方既膊頭一旋， 力點呈一斜拋物線擊向對方， 黑衣男左邊身被我一撞， 隨即失去半邊平衡， 係將跌未跌之間， 佢左手按地， 一轉身， 右腿已經踢出一個虎尾腿， 用一個以身犯險既打法，掛向我眼前， 由於距離太近， 要擋已經黎吾切， 本能反應下， 右手一揚， 炮拳己出，一股重力壓向我既右手， 經膊， 脊， 腰，一抖， 已經完成轉換過程， 傳到左手打出， 對方同我既合力， 毫無保留甘經左拳打落黑衣男膝頭上。 一下輕微既聲響， 黑衣男面色一變， 側身滾開， 而我見一擊得手， 亦無再乘勝追擊。