學堂沒有教我的東西: 學堂沒有教我的東西 15 動態視力

學堂沒有教我的東西 15  動態視力    “今晨8時， 水警於大鷹洲對開海面， 發現一名28歲中國籍男子， 經打錨後發現， 該名男子估計死去多時， 屍身發脹， 身上有多處刀傷， 警方暫列謀殺案處理“ 每年香港都有吾少呢類屍體發現， 但通常都係*NFA。因為大多數都係浸左幾日至一個月不等。屍身發賬到辨認吾到， 比魚咬到爛哂，或者係比大船絞斷肢體。而到可以辨認到既， 又多數係香港無記錄。 即係多數係大陸漂落黎。 所以多數都係不了了之。 直到我電話嚮， 一種心悸閃過。 工作關係, 我一定有兩部電話。 一部公， 一部私。嚮既係我私人電話，除左屋企人， 好少會係朝早嚮。仲要係無來電顯示。 “喂。“ 我盡量抱住接推銷電話既心態。 “吾該陳國明先生係度嗎?“ 對方係一把我無印像既男聲。一聽完我個心即刻一沉。 “我係。“ “呢度係北區醫院打黎， 我地收到一具無身份既男性屍體， 經*牙齒檢驗發現有機會係你屋企人， 請問你有無時間今日過黎確定一下。“ 對方表現出好冷靜， 明顯係做到無哂感覺。 “好， 幾點?“ 我輕吸一口氣， 調節住自己既聲線， 盡量聽起黎冷靜d。 “今日下晝3點， 北區醫院B1地庫。“ 對方話。 “好， 吾該。" 收線後, 我點左支冰藍. 眼前既野開始模糊. 腦內全部都係我細路既片段. 十歲個年, 我帶住7歲既佢, 偷左一個擺地攤阿伯既玩具. 跑左3個街口. 諗住走甩之際, 點知一轉彎, 就撞到3個廿歲靚仔, 兩個仲碌左落地, 結果, 吾使講, 比3個靚仔狂打, 我一路護住細路一路擧手擋, 挨左二三十下, 3個靚仔見我甘挨得, 二話不說, 拎起街邊個垃圾桶就掟過黎, 就係呢個時侯, 有個黑影閃過,  之後個垃圾桶飛左出20米, 回頭一望, 個地攤阿伯已經企係我面前. 笑笑口話" 打左甘耐, 夠啦! 再打死人架啦!" 3個靚仔聽吾到不特止, 仲拎起地下幾支竹, 跟住就揍埋去阿伯度. 正當我想叫"阿伯小心!"既時候, 佢擰轉頭同我講, "睇住我點打人", 之後就吾見左佢. (十年之後, 我當然知佢吾係消失左, 而係我既**動態神經跟吾上佢既速度. ) 再見番佢時, 3個靚仔已經訓低左, 佢走埋黎, 睇下我d手腳, 細聲話" 皮外傷啫, 好彩無傷入面".我見佢甘古怪, 正想走之際, 佢竟然問我細路, "想吾想學功夫呀, 學識左你阿哥就吾使比人打喎." 我細路一聽到, 直頭諗都無諗, 就話"好~". 我12歲個年, 細路係學校比人恰, 我約人係樓下公園講數, 10人個圍住我2兄弟, 我持住自己識功夫, 打低左4個. 事後番去比師傅見到身上有傷, 一怒之下, 話吾再教我地, 我2兄弟跪左係佢屋企門口3個鐘, 最後佢話" 學武最怕無分寸, 甘少事就同人打, 比人落重手內傷, 一世都好吾番, 我甘辛苦教個廢人做乜. 今日你2個只有一個可以留低, 我吾想你老母無仔送終." 最後， 我細路話“件事因我而起， 吾關阿哥事， 我走。“ 自此， 佢就無再學。 *NFA --- no further action.  **動態神經 --- 又稱動態視力, 是指眼睛在觀察移動目標時，捕獲影像、分解、感知移動目標影像的能力。這種能力伴隨著通過動態視力捕捉影像和短時間內大腦信息處理的過程以及機體的相應的反應過程。例如，拳擊比賽中每一名拳擊選手都要利用動態視力捕捉對手的快速行為變化。幾毫秒的時間內，你可以打倒對手或被對手打倒。拳擊選手通過動態視力捕捉攻擊手的出拳，同時躲避攻擊拳。優秀的棒球運動員，可以看得到寫在棒球上的阿拉伯數字，也可以捕捉到棒球的旋轉方向和移動變化