學堂沒有教我的東西: 學堂沒有教我的東西 13 竊聽風雲

學堂沒有教我的東西  13  竊聽風雲  即使我有一百個吾想做臥底既理由 但係人， 本身就係吾理性既動物，所以， 去到最後， 當有個甘既機會係你面前， 你又不其然會諗起d電影情節， 阿朝偉好型架喎， 樣樣都吾講得， 好神秘喎， 做完會吾會有得升職呢。 就係因為心入面有甘多問題， 我翻開電話內既phone book, 打左一個我好耐都無打過既電話。電話另一邊照舊係遺言信箱，我留底左句好普通既地產經紀開場白，"陳生, 馬屎埔村間屋連地契業主話下星期一有時間, 佢開一千四百萬喎, 你得既就上我公司搞埋d手續." 跟住就收左線。係呢句入面, 日期(下星期一), 時間(一千四百萬=1400), 地點(公司)都比哂佢. 以佢既性格, 一聽就知咩事.要甘轉折既原因係 因為你永遠吾會知佢幾時得閒， 或者佢既本人幾時係安全。所以我從來吾會亂甘send 野比人。 現今資訊發達， 70歲阿婆都有部smart phone. 做成資料外洩既風險。 以下所講既野， 都已經列入違反香港法例既範圍, ：1. 執到你部電話, 拎去賣 一千幾百都好。係對你做成最低損失既做法。 2. 陳冠希事件後， 大部份人都會睇下你部機有無鎖， 會吾會有不雅照片。有既就恭喜你， 各大網上討論區都會有閣下既玉照 3.  拎部電話去先達, 話set錯password開吾番, 用3幾百開左你部機. 勾走哂入面既料 就甘聽, 好似呢個方法最蠢, 仲要自己跌錢, 其實呢個先最危險, 而家d電話入面, email address, 身份證照片, 網上理財password, 提款卡密碼, 行事曆咩都係哂度. 吾見電話真係慘過吾見銀包. 吾見左, 比你甘好彩執番, 都吾好開心住, 比人種左*木馬係部機度仲大鑊.  長期比人監控. 所以, 係電話上留底任何野, 包括對話, 係非常危險既做法. 而對於真正既監聽, 其實係好麻煩既, 電影入面既做法, 係FBI既做法, 要做到既, 都吾會係local police. 最少都要係解放軍. 因為當中涉及既科技同資源, 吾係d 土炮野可以搞掂. 而如果真係做, 又分為兩種; 地區式or 機樓式. 地區式就係最接近使用者既做法, 危險性高, 但係使用既資源最低. 所以外國既PI(private investigator) 好多都會用.  電影中又換sim卡又換電話既做法, 都就係對應呢種方式既,而另一種係機樓式既監聽, 直接向網絡供應商申請, 係佢地個main server度做, 除非你吾用電話, 否則, 係一定知既. 而至於熄左機都聽到既做法， 就係混合木馬同地區式一齊用。 先啟動木馬將電話既speaker打開， 再用地區式監聽儀器同目標電話配對。所以， 理論上拆電， 係work 既。 但係都係個句呢。香港，係吾會投放甘多資源落去一單case度既。 外國另計。  *木馬程式 --- 特洛伊木馬（Trojan），簡稱木馬，是一種運行在電腦上的惡意程式在計算機科學範疇中，特洛伊木馬是屬於後門程式，可以透過電腦系統的程式錯誤或漏洞，繼而盜取電腦內的資訊或者控制他人電腦。特洛伊木馬可以隱藏在軟件、網頁或電郵附件的背後而不會自我複製。通常黑客會使用各種手段，例如訛稱電腦用戶中獎要開啟某個網站或安裝某軟件、誘騙用戶瀏覽色情圖片或隱藏在電子遊戲和掛機程式中讓用戶下載等方法，令用戶運行某軟件或程式時去觸發特洛伊木馬運作，以達到盜取密碼等各種數據資料或控制電腦等目的。(轉載自http://evchk.wikia.com/wiki/%E7%89%B9%E6%B4%9B%E4%BC%8A%E6%9C%A8%E9%A6%AC)