學堂沒有教我的東西: 學堂沒有教我的東西 8 未學打人 先學挨打?

學堂沒有教我的東西   8  未學打人  先學挨打?  一個片段映入腦內." 人既身體, 其實係好脆弱既, 吾理你點練都好, 幾大隻都好,  係武術同武器面前, 都係不堪一擊". 講呢番說話既係我既詠春師兄, 一個45歲既阿叔. 即係係公園撚雀個d, 平時無咩野, 但係如果你以為佢好恰, 撩佢郁手既話, 你要有斷肢既心理準備.  佢既格言係, 一係吾打, 一打就要得番一個企係度."未學打人, 先學挨打, 你聽過未 ?" 師兄問."細細個就聽過啦." 我好輕挑甘答."甘有無諗過點解要學挨打呢? " 師兄又問.“下。。?“ 我打左個突，吾明佢點解問個甘低能既問題。師兄示意等緊我既答案。“練抗打囉“ 我答左一個大家都會答既答案。“錯！“ 師兄好淡定甘話。“錯 ? “ 我好驚訝甘問。"仲要係超錯！“師兄以好肯定既語氣話。“ 轉個方式問， 如果你想學揸車， 但係我叫你不停甘撞架車埋燈柱， 山邊， 你覺得有無用? “ 係呢一刻，師兄開始發揮佢既獨特見解。“下。。。傻既咩， 揸車就係吾想撞嘛。。等陣。。你意思係呢句野係錯既?“ 我開始捉到d野。“吾係， 方向吾岩， 道理就係道理， 無岩定錯， 只有理解錯。“ 師兄一副高人甘樣。“甘。。即係點。。“ 我最憎用腦， 你仲同我玩IQ題。“ 再換個方式， 你想學車， 我叫你去揸碰碰車， 你又覺得有無用?“ 師兄再引導我問。“下? 都有既， 雖然無真正路面經驗， 但係會諗下點樣吾比人撞囉。“ 我半思考半試探甘答。“Bingo! 答岩啦， 欠我餐飯！“師兄話。我個下個腦立刻叮左一聲！原本風馬牛不相及既野係我腦入面撞埋一齊，新既邏輯開始出現。原來吾同既野可以甘樣理解。原來挨打係為左知道身體邊d地方係吾㩒打。從而去保護個d地方。“蠢係蠢d, 都蠢吾哂既“ 師兄露出一個嘉許既眼神。之後， 兩個大男人上左堂bio堂， 吾係av, 吾係溝女， 而係佢話左好多人體奧秘比我知。譬如 人既前額係人身上其中一個最硬既地方， 配合脊椎， 可以承受接近200磅既力。所以足球員頂頭鎚甘勁。而人體上， 有好多地方係好脆弱既， 包括兩脅，兩肋，頸， 耳後， 所有關節內側。 嚴格黎講， 脆弱既位多好多 有打左好痛但吾傷既， 亦有打中訓幾日醫院既。最後， 師兄臨走前問 “d人成日話習武強身健體， 吾好撩事鬥非， 你而家明未“.若果今日前問我， 我一定答“ 夠打咪耡強扶弱囉， 吾夠打就強身健體囉“. 而家知道原來人體甘脆弱， 古人講"*打人如碗崩"一d都無錯。  *打人如碗崩--- 打擊人身造成的傷害，猶如打破瓦碗一樣， 不可修補。