學堂沒有教我的東西: 學堂沒有教我的東西 4 以子之矛 攻子之盾

學堂沒有教我的東西  4       以子之矛  攻子之盾




 
 
 正當我沾沾自喜 諗住化解左一次莫名危機之際。 後面頂住既伙計 有一個拎起個盾牌 正面甘扑落支竹度！老實講 我見佢雙手拎住個盾好似揸車甘 之後拎個盾既中間扑落支竹尖度 我心唯有嘆息 又一個*驗身吾驗腦既人
 有武術基礎既人都知 長兵器最大殺傷力係最頭個3吋 所以你見到人拎支掍去扑人 睇下佢用邊部份扑你就大約知道攻擊者識吾識功夫 識既人會用最頂既位置 因為物理加乘關係 最大可以比徒手威力多3-5倍 用棍身既話 有1.5-2倍都好野啦。 所以你見好多時打交打斷手上既武器 其實係吾痛既 因為力量根本無傳到對方身上 已經係武器本身消耗左 
講番個盾 點解盾要係圓呢 吾係貪靚 而係力學問題 因為圓形先最受力 理論上圓形每一點都係可以卸力既 但係有邊個盾係100%圓同光滑呢 出廠都未必得啦 所以個位伙計其實真係 以子之矛 攻子之盾, 吾衰攞黎衰






個位師兄, 大大力甘扑落去枝竹度, 有無用真係吾知, 但係之後係youtube睇番我真係笑左....點會諗到, 一個身經百戰既警察, 會做d甘既判斷, 所以話, 時勢造英雄呢句說話真係無錯.
有好多平時吾聲吾聲既人, 係特定環境入面, 爆發超強武力值. 反而好多上位者, 臨危授命, 雖未至於落荒而逃, 但裙拉褲甩, 都死啦. 所以**大隱隱於朝係岩既  千萬吾好睇少你身邊既人


言歸正傳, 講番會場, 其實個情況都好混亂, 由於度門已經有一個叫做打開左既缺口, 集會人士眼見機不可失, 發癲甘想拉開度門.  而我後面既伙計同上大人, 又好驚情甘以為會守吾住條防線, 於是又好似 tamagochi甘係後面大呼小叫, 又推又撞. 轉眼間, 又吾知係邊度攝多幾枝竹入黎, 而係呢個時候, 第二個最差既decision就出黎喇. 無錯, "OC form, 又READY~~~~~~~"


*驗身吾驗腦---- 投考警察, 必須經過身體檢查, 確定身體健康正常, 才能受訓. 可惜, 該檢查是沒有智力測驗的. 所以當有警員做出一些不正常, 或不合理行為. 內行人會戲稱驗身吾驗腦






**大隱隱於朝------出處有三：
1. 晉˙王康琚〈反招隱〉： 「大隱隱朝市，小隱隱藪澤。」 

2.  白居易〈中隱〉： 「大隱住朝市，小隱入丘樊。丘樊太冷落，朝市太囂喧，不如作中隱，隱在 留司官。似出復似處，非忙亦非閑。為此中隱士，致身吉且安。」 

3.小隱於野,中隱於市,大隱於朝.小者隱於野，獨善其身；中者隱於市，全家保族；大者隱於朝，全身全家全社會。 






但最常用的應該是：大隱隱於朝  中隱隱於市  小隱隱於林