要還給另一個他的她: 二.
在經過了一晚的辛勞及早上應付那麻煩的Presentation 之後，
我還是要回到公司完成餘下的 follow up。
當我走到公司樓下時，我也為Elsa 買了杯她最愛的 latte,
因為我知道她今天早上都需要見客，想必她一定很累了。
當我回到office 的時候，
「Tony 哥你買左 latte 俾 Elsa 姐呀 ? 但係佢今日唔好惹啊，好似心情唔係幾好咁。」
說話的是Simon，我新請回來的teammate。
「多事啦你 ! 」我揚了手叫 Simon 返位坐。
看到 Elsa 的位子沒有人，我想應該是她剛走開了，於是我便將Latte 放到她的桌面上，再回去清清email 吧 ..... 我想半日不在應該都累積不少要清的email 了。
當我正在聚精會神地「清email」時，MSN 的對話窗口彈出。
或者你會問，到了現在還有人會用MSN這個古代的玩兒嗎?
答案是 ..... 基本上來說是沒有的。
尤其是現在whatsapp ，line ，wechat ，kakao talk，skype ，facebook 都給慢慢的將 msn 慢慢的淘汰掉，情況就好似當你慢慢成長，你會發現身邊的男人／女人原來不止一個，而這些新的人又可以提供到更好相處體驗的時候，良幣就會慢慢將劣幣(原來的良幣?)驅逐的時候，原有的，就會慢慢被人忘記，就好似MSN一樣。
但我從不認為這是一個好現象。
或者我是念舊吧，所以當MSN再重新推出可以安裝時，我也趕快下載了一個。
而當時，告訴我這個消息的人，正是Elsa。
「喂~多謝你杯 latte ~ 」
「我好似聞到 d 燶左既味 .... 」
「你講乜野丫」
「冇既 .... 行過大小姐你個位個陣好似聞到好燶，睇怕尋晚應該係阿大少激親你啦 ..... 」
「咁你話佢係唔係衰先，叫左佢 block 左個死姣婆 Janice嫁啦，成日都整到自己個profile pic 都係 d 勁少布，又成日 sd 埋 d 著低胸衫夾曬線咁呀，搭的士個陣翹腳扮曬長腳蟹咁搏咩丫你話啦 !」
「咁冇計喎大小姐，你又唔係唔知Janice是阿杰個大老闆個女兼佢同事，佢都好難做嫁 ..... 」
「難做難做，咁咪唔好做囉，睇住隻姣婆係咁姣我男朋友....真係火都嚟埋，想大巴大巴車死佢!!!!」
「咁唔通你養阿大少?」
「佢就想啦 ! 梗係唔得啦，我呢 D 係賢妻良母黎XDXD」
「You sure ? 」
「喂，你今日係咪五行欠打? :@ 」
「饒命丫女俠，小人不敢了 ..... T.T 」
「哈，算你啦 =)」
「咁今晚你同佢食飯點算丫?」
「唔食啦 \ _ / 鬼叫佢激到我咁嬲 >///< 」
「但你唔食飯唔得喎 ......」
「小鋒子，咁呢個責任就交俾你，我命令你今晚陪我食飯 ! 」
「得得得 ..... 你想去邊度食丫 ? 」
「我未諗到 wo , 不過你請XD 」
「唉好啦 T.T 」
「嘻，好嘢 」
面對著這個時而可愛，時而又會粗魯一下的女孩子，
我想這才是Elsa 吸引我的最大原因吧 ....
(待續)