我係網上面識左個女仔: 第十五章-阿媽！

太攰嘅關係，我見到阿媽訓左係沙發就翻左房訓。

第二朝，我……
我起身，去洗臉刷牙，經過沙發時，先發現，阿媽，嘔白泡……

我呆左一呆，再見到沙發附近有樽無左一半嘅安眠藥。

我立刻意識到阿媽服藥自殺，心裡仲未接受到，身體已經走左去call白車。

呢一切，太意外。





醫務員話，阿媽應該琴晚已經……死左。

阿媽……點解…要咁傻…？
點解…要留低我一個？

呢一刻，我個腦一片空白。

阿爸走左，阿媽死左。





我……真係崩潰喇……

「呀！！！！！！！！」

「細路，你冇事啊嘛？」
醫務員問我，因為我無啦啦大叫，但其實，我都係想發洩下姐。

「比我冷靜下得架啦」
我吐出呢一句說話，就翻翻房，訓過。
或者一覺訓醒，會發現呢一切只係一場夢呢？





「從不喜歡孤單一個 可惜偏偏孤獨一個 我不懂得跟我獨自對坐  做人沒有你原來相當痛楚……」
妖！好嘈呀！邊向左走向右走個打黎呀！

我被電話鈴聲嘈醒左。

醒左之後，第一時間出廳，望下我阿爸阿媽係咪係度。

結果……客廳空無一人。

「阿媽你係咪係房呀？」
阿媽間房冇人。

「你係咪係廁所呀？」
我敲左敲廁所門。




「我開門架啦。」
廁所冇人。

「可能去左買送！」
等下，阿媽就會返架啦！

「從不喜歡……」
電話再響，我即刻聽左。

「請問係咪李榮軒同學呀？」
問者聽落好著急。

「我係呀。」
「我係教英文個Ms Lam，你無事丫嘛？今日做咩唔返學又唔通知學校？學校收到消息你媽媽……出左事喎……」
原來……一切也不是夢。




我手一鬆，電話伴隨我個心，跌左落地。

我將跌左的電話執翻。

「喂喂？榮軒？喂？……」
「老師……」
「你無事丫嘛，學校果邊我幫你處理啦，你需唔需要輔導下？你……」
「唔洗啦唔該老師。」
我收左老師線。

今日開始，我變左孤兒仔！一家三口嘅幸福家庭正式宣佈破碎，哈哈。