[愛回‧家][推理] 執到寶事件手帖: 作者的話
雖然我平時唔係話好經常睇推理故，之不過其實我對呢類型既故事都幾有興趣。咁啱我最近睇咗一套作品叫做<古書堂事件手帖>，雖然開頭只不過係喺書店到見個封面幾靚就買咗嚟睇，之不過唔買就由自可，買咗之後就入曬魔。我記得嗰日睇完買返嚟既第一期之後，成個人好似有野上身咁，成個腦都只係諗住本書既野，幾乎興奮都訓唔著。(有咁既感覺都係第一次喳！)
結果第二日就去書店到諗住買第二期返嚟睇，之後就第三期，第四期。
嗰時我剛剛寫完<情人節那天，我在衣櫃裡找到我生命中的天使>呢個故仔冇幾耐，又見暑假未完，所以就諗住寫多一個故事。
不過我寫咩好呢？我一路諗一路諗，沖緊涼嗰時又諗，一日我沖完涼之後見到我屋企人睇<愛回家>，之後我就喺到諗：『不如我就用呢個故事故背景去寫啦！』點解我會有咁既結論我就真係答唔出，如果一定要諗一個解釋既話就當係我既直覺啦。(笑)
要講今次寫呢個故事同之前嗰個最大分別既話我諗就係寫作既進度。
之前既<情人節那天，我在衣櫃裡找到我生命中的天使>，寫之前都只係諗好曬啲設定先，即係好似個天使係點嚟呀，佢點用魔法之類。(唔講太多啦，費時比未睇過嗰篇既人知到啦) 至於內容方面只係一路寫一路諗。
但係今次呢個<執到寶事件有帖>事就就要諗定好件事係點，阿壯係點偷野同埋點解同埋每一個劇情係有咩暗示等等，同之前唔同就係我係要寫好曬個故事先放上網。
如果要講今次有咩可惜既話就係今次呢個故仔既反應唔係太好，無論係高登到定係紙言呢到。唔知係唔係我個故事太悶？
不過無論如何我都好多謝有花時間睇過我呢篇故事既讀者，無論你地中唔中意我個故都好，至少我好中意呢個故。
<執到寶事件手帖>就此劃上句號。