[愛回‧家][推理] 執到寶事件手帖: 序章

  每朝食完早餐之後我都會自己一個人揸車返去「執到寶」呢間夜冷鋪到開鋪。
 
  雖然話就話我地馬家成日好中意一家人聚埋一齊，但係其實我都幾中意呢一段得自己一個既時光，可以比自己冷靜一下，細心諗返屋企人最近有冇乜野奇怪既舉動。
  
  自我介紹先，我叫做 馬強，有人會叫我阿強或者強哥，係一間叫「執到寶」既夜冷店老闆。
 
  不過話就話我係一間鋪頭嗰老闆，不過我都唔係可以咩都唔做去嘆世界架。俗語都有話啦，唔辛苦邊得世間財呢？所以我一向都中意親力親為，就算喺班伙記面前都會放底我老闆既身份，搬搬抬抬既野我幫到都會照幫。唔知係唔係因為咁，所以班伙記同我既關係都好好，幾乎親密到係屋企人咁滯。
 
  可能會有人覺得我呢份工作好悶，一日到黑都只不過係對住啲人地唔要既野，但係其實呢啲只不過係行外人既睇法。如果你細心去做既就會發現每一件舊野到都會蘊藏住一個鮮為人知既故事，而發掘呢一啲故事就係呢份工最大既吸引力。
 




  唔知，今日又會有咩有趣既故事等緊我去發掘呢？