《學校裡面, 只能有一班生還》: 第一百二十二話：《不分》
樓底不高的四樓, 被這樣弄一弄, 天花板也支撐不住, 倒塌粉碎。
「騰嘉晴你條粉樣, 出黎啊! 」Cory認出這把聲, 是屬於Candy。
「唔係幫Kelvin報仇報到咁下化...」剛好跌在樑柱後方的Cory, 頭破血流著。
「4R, 應該係攻擊型...又會咁勁都有...」她在柱後方微微探出頭, Candy應該還沒找到她。
鏡頭回到二樓的情況。
「上面...係咪打得好勁...」芠芯坐在後樓梯, 不安地看著上方。
「嗯。」Martin同樣看著上方, 深思著。
「方包佢地冇人有勁特權同班友抗衡...萬一佢地...咁...咁點算?」芠芯憂心地問道。
「我信方包。」Martin說著。
「唉...好擔心...」芠芯哀嘆道。
「喔? 」芠芯忽然愣了一下, 她感覺到自己的雙手被東西抓住。
「你...嚇死我啦...」她一臉疑惑地看著捉住她雙手的Martin。
「我都好擔心佢地...不過....」Martin雙眼直視著芠芯。
「我最擔心嗰個係你。」Martin把頭, 輕輕靠著芠芯的額旁。
「唔怪得你想我同你一齊守後樓梯。」芠芯只是淺淺地笑了笑, 把雙手都攬在Martin背後。
「但係乜你唔驚...你知啲阿sir幾鍚我架啦。」芠芯靠在Martin的身上, 感受著他的體溫。
「俾人告性騷擾都唔怕。」Martin用著手, 把芠芯的頭都撥近自己。
「你...幾時對我...咩架...」芠芯的頭都緊緊貼在Martin的頸上, 問著。
「重要咩? 我只係知道我冇咗你, 我會好唔舒服。」Martin就這樣, 輕輕一吻在芠芯的臉頰。
「你曳曳。」芠芯像察覺到小Martin的變化跟悸動。
「我都唔可以冇咗你。」芠芯甜甜地笑了笑。
Martin也笑了笑, 便主動地跟芠芯的嘴對上。
「你嗰到吖...係咁頂住晒...」芠芯雙手輕輕撫摸著Martin的臉龐。
「就住囉。」Martin只是把芠芯擁得更近。
「我唔可以冇咗你。」他倆不約而同地這樣說著。
「好暖...」芠芯甜笑著, 跟Martin緊吻著, 只是保持著這個姿勢。
大家都在彼此感受的體溫, 存在。
亂世佳人, 就是指這些嗎?
「不如...」Martin在芠芯耳畔, 細細問著。
「唔得, 呢到乜野好危險。」芠芯把雙手貼在Martin的雙臉, 語帶彆扭地說道。
「你有帶乜咩?」芠芯斜望著Martin, 裝著彆扭的模樣。
「如果我有帶, 啫係我本來都想咁架啦。」Martin抱著芠芯的腰, 把她拉近自己。
「鍚吓好啦。」芠芯撥著Martin的頭髮, 說著。
回到正樓梯的位置,
「上面好似好大件事。」阿宛向著我說道。
看來大家都已經默認我是領頭了。
「喂! 」峻熙隔著玻璃, 指著喊。
「得, 我見到。」那個Cory, 像正在負著傷地匐匍地下樓梯。
「小心有伏。」景希半抿著雙眼, 說道。
當然, 這個Cory的實力不容小覻, 她一下拂手, 已經可以把我們全都送上西天。
「大家準備。」我下著指令架勢。
敖欣也提著她的利斧。
「佢諗著入黎? 」龍少問著。
只見她都看到我們躲在防火門後面, 而她竟然雙手放頭, 作投降狀。
「佢...」峻熙猶豫地唸。
她緩緩地走過來, 神色沒懷敵意。
「上面好大件事。」她像不當我們是一回事地, 看著門跟我們說著。
的確, 她從來沒有把我們這班螻蟻放在眼內, 她一向是空棺材出殯。
目中無人。
「我地本身同其他人講好咗, 清咗班中五睇吓會唔會剩返四十人既。」她向著我們淡然說著。
「跟住? 」我問。
「你地個friend, 阿Candy唔知發乜癲係上面乜人都殺, 佢有特權啦。」Cory按著自己頭破血流的傷口, 不像說謊。
「咁所以呢? 」我語帶戲謔地苦笑問。
「嘿。」她狡笑了一聲。
你這個女狐狸, 想怎麼樣?
「大家都唔想熟悉既人, 做唔到嗰四十人。」Cory說著。
「如果清晒班中五, 對我同你都有利。」她緊接說著。
「但如果我班人, 或者Candy係上面俾人反殺, 呢個係我同你都唔想見到既結局。」她向我力陳利害, 亦一矢擊中我的弱點。
她利用我不希望再有同伴離開的想法。
再下一步, 就是她的目的, 亦是條件。
我看得穿, 卻怎都要被她牽著鼻子來走。
「上去勸佢收手, 一齊清班中五。」她言簡意駭地, 表明目的。
那即是說, Candy在上面幹的事, 合眾人之力也沒法擺平, 而她亦做出了很大亂子。
換言之, 她現在變成了眾矢之的。