《學校裡面, 只能有一班生還》: 第一百零五話：《過去的回憶》

「喔? 」Candy看著樓梯間一塊展板, 這塊原本只是預期會展示很短時間的展板。

     上面展示著「ECA」—Extra Curriculum Activities 的資訊。

     「我同芠芯...」Candy看著自己兩年前, 參加了一個去新加坡的交流團, 為期四日三夜, 當時他們一行二十人加三名隨團老師跟一名社工, 建立了非常深厚的友誼。

   「點解...點解而家會變成咁....」Candy看著這些相片, 一時感觸。

    「Kelvin...阿姑...」Candy看著相片中的人, 有當時的中一至中四生。





    「Zoe...盛康...你地而家還好嘛...」Candy自語著。


    「當年穎彤, Iris, 莉華, Coman...大家仲玩得好開心...」Candy用著手指指著相片中的各人。

    「仲有進浩個阿哥...」

     新加坡交流團再下一年就是美國交流團, 每位參加者盛惠三萬餘, 為期七日六夜。

    「我嗰年都有去...新加坡既各位...有好多都去埋美國...大家嗰陣...仲係完好無缺...」Candy已經按捺不住她的眼淚。





   「Kelvin...阿姑...Coman...」Candy說著。

   「嗰年仲有安峻熙...中三嗰個Anthony....Vinci Tai....form six VA...」Candy雙眼紅紅地說著。

   「差唔多一年...個交流團...一年...」她忽然雙眼瞪大, 像忽然想起一些事情。

   「嗰年...有兩個中五...當年既中四....黎接我地機...但係...」Candy眼睛不停轉動。

    「我唔記得咗佢地係咩人...段記憶....」她不停希望想起細節, 但怎想也想不起。





    「砰! 」突然, Candy被樓梯下方一聲巨響怔到, 打斷了思維。


    「樓下做咩? 」她立刻以跨級的速度, 向著傳來巨響的地方跑去。

    「咁大幅冰牆...個龍姐仲有Cory? 」Candy在樓梯上方, 愣著地看著這一切。

    「又有人? 」龍姐看著冰牆後的Candy, 朝著Cory說著。

    「達成目的就可以, 亦都冇謂搞韋海晴嗰邊啲人。」Cory冷冷說著。

    「嘿, 話咗你貪權貪勢, 見人地搭馬過你就唔敢郁人。」Kelvin用著恥笑般的語氣, 嘲諷著Cory。

    「收嗲啦! 」只見Cory再一腳跺在Kelvin的背上。





    「唔好啊! 」Candy在冰牆後大喊著。

    「Candy...走啊...」Kelvin在Cory腳下, 費力地喚著Candy快逃。

    「佢都聽唔到。」Cory用著更嘲諷的語氣, 跟Kelvin說著。


     「嘿。」忽然, Cory蹲下, 看著Kelvin。

     「如果你肯為兩年前既事認錯, 我就考慮俾你見你昔日既老友最後一面。」Cory用著銳利的眼神, 盯著Kelvin。

    「我唔會妥協。」Kelvin說著。

    「咁口硬?」Cory用著手抓著Kelvin的頭顱, 用力地按在地上。





    「原則問題....」Kelvin唸著。

    「唔好啊! 停手啊! 你地做咩係到破壞個協定啊? 啲中六呢? 」Candy在冰牆慌張地叫著。

     Cory看著Candy, 把頭別回Kelvin。

    「點啊? 」Cory說著。

    「我唔會道歉....」Kelvin說著。

    「點撚解啊? 」Cory一手抓著Kelvin的頭髮, 再狠狠摔向地面, Kelvin頓時頭破血流。

    「唔好...我求吓你地唔好....」Candy雙手摸著冰面, 徐徐癱軟, 跪坐在地上。





    「佢地一齊去過交流團, 上年呢條友仲薦咗佢入prefect。」龍姐說著。


    「係喎, 你上年head prefect好把砲喎, 識建立勢力, 引親信入prefect, 貪權貪勢! 」Cory再次狠狠地把Kelvin的頭蹂躪。

    「佢今年都退咗...」Kelvin說著。

    「我同你講, 就係因為你, 我係呢間學校最憎就係prefect. 係我騰嘉晴講既! 」Cory流露出無比的憤怒。

   「唔好搞佢...」Kelvin輕聲說著。

    「嘿。」Cory看著冰牆後痛哭的Candy, 揚起了笑容。