《學校裡面, 只能有一班生還》: 第一百零二話：《落泊》
「B班...得返嗰十條友...」芠芯神傷地在課室來回踱步, 我想她是不斷憶起跟同學相處的時光, 還有她最敬愛的班主任楊sir。
阿Nick...暉...阿卓...還有阿江, 阿宏, 阿昌, 江強都...
大部份男生也是死於同班同學, Panda的槍瞠底下...
「到底衛主席佢....」Cedric在問著。
「各位。」忽然在門外, 站著一個熟悉的身影。
「Candy? 」我喚著。
「W班同B班都得返好少人....」Candy環視著這偌大而空洞的課室, 語帶唏噓。
「你上面R班呢? 」我問著。
「仲有十幾個, 死咗啲傻仔。」Candy苦笑著。
「朗晴, J東, 賢浚, 仲有個Puma都係4R。」我回應著她。
「唉, 唔計佢地。」Candy再次苦笑了聲。
即是G班跟R班同樣也有十餘人, 中四最多也只不過只剩下三十人, 較中三的足足少一半。
算上其他年級的同學, 現在也應該有百餘人在校, 還是生還著。
「衛主席...佢仲未...」Candy問著我們, 而我們也只是搖搖頭。
「不如我地整合一下, 到目前遇到既野。」只見Martin在黑板上, 用著粉筆寫著字。
「返學既時候。」Martin在黑板寫著「8am」。
「冇唔妥, 我地都係一樣抄功課, 篤手機, 訓覺。」其中一個女生, 穎彤在說著。
「然後楊sir就係打鐘之後入黎, 冇唔妥。」另外一個女生泳琦, 也在補充。
「之後去到差唔多搭三, 就有廣播。」Cedric看著Martin這雙摩打手在黑板上寫字, 也說著。
「中三中四互片。」Martin握著下巴, 想著。
「目的, 應該係覺得我地兩級多人的話, 成個遊戲就唔好玩。」Martin寫著「aim」。
「天上槍擊, 到而家都仲係收緊皮。」子頌冷然說道。
「佢個目的都係旨在控制人數。」Martin看著黑板, 微微背倚著教桌上, 作了一個沉思狀。
「喂。」Candy此時用手肘微撞了我一下。
「嗯? 」我問著。
「你睇吓芠芯幾專心係到聽。」Candy用著詭異的笑容說著, 然後還動了動她的眉。
「我都好專心。」我淺笑了聲, 回著她。
「老師投票...呢個更加係篩走一半人既大好機會。」Martin唸著。
「班form five, 好多都投咗比伍美麗。」Candy說著。
「飲血...擺到明係攞特權...」穎彤說著。
「冇錯...但點解佢個用意係跟班色, 而唔係跟社色? 」Martin唸著。
「元素跟屬性...」Martin低頭說著。
「係特權既類形! 」我跟Martin異口同聲地喊著。
「中三個Coman係3G, 小霍4G, 都係醫人。」Candy說著。
「R班呢? 」芠芯同樣一臉不解, 問著。
「J東, 變成劍氣攻擊, 賢浚召喚荊棘攻擊, Jodie就可以手觸放火, 列沚滔召喚水體攻擊, Josh可以將手變成水劍...之前龍少亦提到Connie臨死之前用水體殺咗Ivan。」Martin在黑板上畫著。
「R班, 可以理解為攻擊。」Martin說著。
「咁個月進浩呢? 佢係G班但係佢唔Q醫人架喎。」Candy說著。
「呢個就係我一直疑惑既地方。」Martin握著下巴沉思著。
「W班, 月依亭同莫雪彤, 一個可以將水變冰, 另外就係加快施法時間...」Martin說著。
「可以理解成輔助型既特權。」此時, 各人忽然向著我那邊瞧。
「方包? 你有冇特權? 」Martin看著我問著。
「有, 未觸發啫。」我苦笑著答。
「有攻擊, 又有治療, 有輔助...剩返個B班...」Martin嘴角揚了揚, 像得到答案似的。
「剩返個防禦。」坐在一邊的穎彤也推斷到答案。
「龍少講過衛主席係連臂盾, 之不過....」Martin看看自己, 面露不解。
「你嗰個係能量砲喎。」我也知道箇中有疑之處, 道出。
除了月進浩不符合這條規律外, Martin同樣。
「令雪同龍少之前有講過, 佢地係1B課室, 見有有個Form one叫Hans, 亦都係因為佢, Marco同晶瑩亦就咁死咗。」Martin說著。
「然後? 」我問道。
「Hans有透露過, 每殺一個人, 可以令到自己特權變得更強既說法。殺一個人, 會varies到個特權, 即是說個類型亦可能唔係一個不變數。」Martin在黑板上寫著。
「唔一定架。」Cedric質疑著。
「可能啫。」Martin答著。
「林sir看住我地玩飲血, 班老師係知發生乜事, 至少廣播入面個主持人係老師之間係另有指示。」Martin表情已越見越滿足, 是將快算到答案的那種滿足。
「呢個遊戲...」Martin在黑板中心畫了個圓, 他盯著圓心, 寫著。
「要搵到班老師出黎! 」Martin鏗鏘地說道。