《學校裡面, 只能有一班生還》: 第六十三話：《被刪除的記憶》

「令雪師姐...」敖欣也在我旁, 哭泣不絕。

    「班中六係咪係入面炸死晒? 」阿宛問著。


     「唔係, 佢地爆咗後面玻璃, 應該一早plan定咗係嗰到走。」Martin答道。

      怪不得他們撤退是向後退, 不是向前突圍。






     「話說Martin。」Candy問著。

     「嗯? 」


    「你記唔記得半年前發生過咩事? 」Candy問著。
  
    「唔係form five有兩班失咗蹤咩? 」Martin疑惑地答著。






    「有冇更detail? 」芠芯同樣問著。


    「唔係話有人死...又好似唔係.... 你講落又好似... 」Martin露著狐疑的眼神, 顯然他也對這段記憶感模糊。
    
    「我地係入面.... 」Candy把我們在藏書室查到的事, 都說給了眾人知。

    「屌...唔係吓...」只見Martin, 湯宛等人怔著地在原地, 目瞪口呆。






    「咁姐係話, 而家我地要玩呢個遊戲係一早安排, 同埋24號肯定收埋好多秘密。」Martin分析著。

    「唔得, 佢講過一離開學校範圍就會咩, 佢應該都控制埋呢樣野, 所以我地唔可以踏足24號, 呢個唔係完全屬於學校既地方。」久未開腔的景希忽然認真地這樣說著。


    「估唔到form two仔你都有啲腦喎。」湯宛這樣說著。

    「多謝。」景希只是冷然回應。


    「佢係咁架啦, 平時唔多講野架佢。」身型還停留在小孩子般的峻熙只是在一旁嘴炮著。

     「係咪真係冇人記得? 」Candy重複問著。






      他們都點頭表示同意。

     「方包, 我地而家要落返去canteen, 你好啲未? 」湯宛跟我說著。


     「嗯。」我抹一抹眼角滲著的淚水。

      「係呢? 啱啱醒起, 衛主席做咩唔跟埋你地一齊上黎既? 」湯宛問著。
  
    「唔知佢頭先堅持唔上, 一陣落去問吓佢。」Martin說道。


     如是者, 我們正想出發的時候, 在樓梯口站著一個男生。

    「咩人? 」Martin握著刀, 指著前方。





    「龍少黎咖, 頭先都係1B班房, 但係佢係你地黎之前去咗班房後面, 冇跟我地上去咁解... 」敖欣連忙解釋著。


    「咁都好既, 好彩你冇跟我地上黎... 」湯宛在一旁答著。

    「你地...係咪講緊半年前...」龍少結著巴地跟我們說著。

    「嗯, 做咩? 」Candy問著。


    「我好似知道啲野...」龍少向著我們說著。

    「吓? 你知道啲咩...」我們馬上圍著龍少, 焦急地向著他問。






    「佢係佢失蹤既時候, 同我講過話要轉校就要盡快... 仲有呢到已經變得唔簡單...」龍少轉著他的眼珠, 像要很用力才能把記憶掘出來。

    「然後, 佢曾經同我講過話, 其實佢已經死咗... 我嗰陣同返佢講其實我係外星人咁講返笑, 然後佢就話好快佢就會死多次...」他繼續說道。

     無數的寒氣吸乾了我的淚水, 哀傷被恐懼取而代之。

     「嗰個人係..?」Martin問著。


    「諗唔起佢個名...」龍少拍打著自己的頭。

    「Hans話你知唔少內情就係指...」敖欣亦問著。






    「係, 同佢提過少少...」龍少答著。

     接著, 我們就沿著原路, 希望可以會合飯堂裡的人。


     「係呢龍少, 你頭先有冇殺人去完任? 」正當他們走到我前方的時候, 我跟龍少這樣問著。

    「冇... 我本身諗住死咗去... 我地班女人就死咗一大截...」龍少答著我。
  
    「係呢? 浚燊係咪去咗你地到? 」龍少忽然拋來這個突如其來的問題。
 

    「本來係, 而家唔係。」我忍著那股衝著上來的淚水, 對龍少微笑著。

    「行啦。」Candy在前方, 叫著我們。


     「你好似我啱先提到嗰個師兄。」龍少這樣跟我說著。


     「係咩? 當你記得返嗰個師兄係邊個既時候, 記住話我知。」我這樣回應他。


     希望飯堂不要好像我們這般死那麼多就好了。